पूर्वराष्ट्रपति विद्यादेवी भण्डारीले केही समयअघि एमालेबाट सक्रिय राजनीतिमा फर्किएको घोषणा गरिन्। तर, पार्टीले तत्कालका लागि उनको राजनीतिक यात्रामा पूर्णविराम लगाइदियो।

पार्टीमा अध्यक्ष केपी ओलीको चेपुवामा परेकाहरू विद्या भण्डारीको आगमनसँगै उत्साहित भए र उको पक्षमा खुलेर लागे। तर पार्टीमा उनको बाटो बन्द भएसँगै विद्याको पक्षमा लागेका नेताहरू धमाधम निशानामा पर्न थालेका छन्।

एमाले निकट नेपाल खेलकुद महासंघले स्थायी कमिटी सदस्यसहित तीन जनालाई स्पष्टीकरण सोध्ने निर्णय गरेको छ।

महासंघले स्थायी किमिटी सदस्य तथा केन्द्रीय कमिटी सदस्यहरू हरिवंश कडरिया, कमलमणि गौतम र हरि बर्तौलालाई स्पष्टीकरणसहित कारबाही प्रक्रिया अघि बढाउने निर्णय गरेको हो।

सामाजिक सञ्जालमा नेताहरूले पार्टीबारे अराजक अभिव्यक्ति राखेको आरोप लगाइएको छ।

केपी ओलीविनाको एमाले कल्पना गर्न पनि नसकिने निष्कर्ष निकालेको महासंघले बाँकी प्रक्रिया र कारबाहीको जिम्मा अनुशासन आयोगलाई दिइएको छ।