नेपाल यतिबेला राजनीतिक बुमर्याङमा फसेको छ। यसका लागि सबैभन्दा बढी जिम्मेवार कोही छ भने त्कोयो ओली नै हुन्। उनलाई एमाले अध्यक्षबाट विस्थापित नगरी देशले निकास पाउँदैन। त्यसका लागि 'त्रुपको पत्ती' हुन सक्ने भनेको विद्यादेवी मात्रै हुन्।
बिएल संवाददाता - अमेरिका
पूर्वप्रधानमन्त्री एवं नेपाल समाजवादी पार्टी (नयाँ शक्ति)का अध्यक्ष डा. बाबुराम भट्टराईले भारत सरकारबाट नेपालका प्रतिगामी शक्तिहरूलाई उक्साउने गतिविधि नभएको बताएका छन्। मंगलबार भारत भ्रमणबाट स्वदेश फर्किएका डा. भट्टराईले त्रिभूवन अन्तर्राष्ट्रिय विमानस्थलमा सञ्चारकर्मीहरूसँग कुरा गर्दै उनले भारत सरकार र भारतका मुख्य शक्तिहरूबाट नेपालको व्यवस्थालाई नै उल्ट्याउने ढंगले प्रतिगामी शक्तिहरूलाई उक्साउने गतिविधिमा नभएको बताएका हुन्। उनले भने, ‘भारतमै चासो भएको विषय के रहेछ भने जुन भिन्न प्रकृतिका आन्दोलन भइरहेका छन् त्यो कतै व्यवस्थाकै विरुद्धमा जाने आन्दोलन त होइन यो? यसले लोकतन्त्रलाई नै प्रतिकुल असर पर्नेगरी पछाडि फर्कने ढंगले त जादैन भन्ने आशंका चै रहेछ। हाम्रो व्यवस्था सुरक्षित छ भन्ने विश्वास गराएको छु। त्यहाँ केही व्यक्तिहरु त्यसमा लागेको हुनसक्छ। तर भारत सरकार आफैं र त्यहाँको मुख्य शक्तिहरूको फेरि यहाँको व्यवस्थालाई नै उल्ट्याउने ढंगले प्रतिगामी शक्तिहरुलाई उक्साउने गतिविधि त्यहाँबाट भएको छैन। हुन सक्दैन, त्यसले लाभ गर्दैन भन्नेकुरा नै आयो। हामीलाई अनावश्यक ढंगले भ्रम छरेर प्रतिगामी शक्तिहरू त आइहाल्ने हो की, भोलि नै आइहाल्ने हो की भन्नेकुरा सत्य होइन।’
बिएल संवाददाता - काठमाडौं
बुटवलको सुप्रिम बचत तथा ऋण सहकारी संस्थाबाट पीडित मध्येका एक नारायण पहराईले आफूले रास्वपा सभापति रवि लामिछानेविरुद्ध जाहेरी नदिएको खुलासा गरेका छन्। उनले सहकारीले रकम फिर्ता नदिएपछि प्रहरीले उजुरी मागेअनुसार इलाका प्रहरी कार्यालय, बुटवलमा कोही व्यक्ति लक्षित नगरी उजुरी दिएको बताएका छन्। मंगलबार उनले सामाजिक सञ्जालमार्फत आफूलाई प्रहरीले एक वचन पनि नसोधी र आफ्नो सहमति नलिइ रवि लामिछानेसहित विरुद्ध आफूलाई मुख्य उजुरीकर्ता जसरी प्रस्तुत गरेर अनुसन्धान प्रतिवेदन बनाइएकोप्रति असन्तुष्टि व्यक्त गरेका छन्।
बिएल संवाददाता - काठमाडौं
शिक्षामन्त्री रघुजी पन्त र आन्दोलनरत शिक्षकहरूबीच आज साँझ हुने भनिएको वार्ता अझै सुरू हुन सकेको छैन। मन्त्री पन्त यतिबेला सिंहदरबारस्थित शिक्षा मन्त्रालयमा शिक्षकहरूलाई कुरेर बसिरहेका छन्। तर शिक्षक महासंघले भने वार्तामा प्रस्तुत गर्ने विषयवस्तु र आवश्यक तयारीसहित आन्दोलनको समीक्षा आन्तरिक छलफल बोलाएको छ। सोही कारण वार्ताका लागि केही समय ढिलाइ भएको महासंघले जनाएको छ।
बिएल संवाददाता - काठमाडौं
जंगलमा फिरेन्ते जीवन बिताउँदै आएका राउटे समुदायका मुखिया सूर्यनारायण शाहीको मृत्यु भएको छ। ४९ वर्षीय शाहीको गएराति बराहताल गाउँपालिका-८ सोतखोलामा रहेको बस्तीमा मृत्यु भएको हो। अत्यधिक मदिराका कारण मुखिया शाहीको मृत्यु भएको राउटे समुदायसँग काम गर्दै आएका सोसेक नेपालका जोडी शिक्षक लालबहादुर खत्रीले जानकारी दिए। ‘नयाँ वर्षमा यो समुदायमा ठूलो चाड मनाउने प्रचलन हुन्छ। त्यहीँ बेलादेखि उहाँ बिरामी हुनुहुन्थ्यो,’ खत्रीले भने, ‘पछिल्लो पाँच दिनयता बिरामीले च्यापेपछि सुतिरहने तर नउठ्ने गरेपछि अस्पताल लैजान सम्झाउने गरेका थियौं। तर उहाँको गएराति नै मृत्यु भयो।’ राउटे समुदाय बिरामी भएपछि उपचारका लागि अस्पताल जान मान्दैनन्। ‘मुखियाले अस्पताल गएका सबैको मृत्यु भएको छ म पनि जाँदैन भन्नुहुन्थ्यो,’ खत्री भन्छन्, ‘सोमबारसम्म अवस्था हेरौं नभएर मंगलबार उपचारका लागि वीरेन्द्रनगर जाउला भन्नुभएको थियो। गएराति ९ बजेतिर उहाँको मृत्यु भइसक्यो।’
बिएल संवाददाता - सुर्खेत
क्यानडाको आम चुनावमा प्रधानमन्त्री मार्क कार्नीको लिबरल पार्टीले जित निकालेको छ। क्यानडेली सञ्चारमाध्यमका अनुसार लिबरल पार्टीले क्यानडाको अर्को सरकार बनाउँने छ। यद्यपि संसदमा उसले बहुमत पाउँछ वा पाउँदैन स्पष्ट भइसकेको छैन। जितसँगै प्रधानमन्त्री कार्नीलाई दोस्रोपटक प्रधानमन्त्री बन्ने बाटो खुलेको छ। मतपरिणाम सार्वजनिक हुँदैगर्दा कार्नीले समर्थकहरूलाई सम्बोधन गरेका छन्। उनले आफ्नो सम्बोधनमा अमेरिका र राष्ट्रपति डोनाल्ड ट्रम्पमाथि निशाना साँधेका छन्। ‘अमेरिकासँगको हाम्रो पुरानो सम्बन्ध अब समाप्त भएको छ। हामीले अमेरिकी विश्वासघातको आघात पार गरिसकेका छौं, हामीले एक अर्काको ख्याल राख्नुपर्छ,’ प्रधानमन्त्री कार्नीले भने, ‘राष्ट्रपति ट्रम्पले हामीलाई तोड्न खोजिरहेका छन् ताकि अमेरिकाले हामीमाथि प्रभुत्व जमाउन सकोस्- त्यो कहिल्यै सम्भव हुनेवाला छैन।’
बिएल संवाददाता - क्यानडा
नेपाल सरकारको आव ०८२/८३ को नीति तथा कार्यक्रममा संघीय संसद अन्तर्गत राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्याङ्कन संयुक्त समितिले तयार पारेको सुझाव र ध्यानाकर्षण पत्र रक्षामन्त्री मानबीर राईलाई हस्तान्तरण गरिएको छ। मंगलबार बसेको समितिको बैठकमा समिति सभापति ठाकुरप्रसाद गैरेले रक्षामन्त्री राईलाई सो प्रतिवेदन हस्तान्तरण गरेका हुन्। प्रतिवेदन बुझ्दै मन्त्री राईले अनावश्यक घोषणा गरेर मात्र राख्ने भन्दा पनि राष्ट्रिय गौरवका आयोजनाहरूलाई पुनःविचार गरेर घटाउनु उचित हुने बताएका छन्।
बिएल संवाददाता - काठमाडौं
नेपाली कांग्रेसका सांसद रामहरी खतिवडाले शिक्षकका माग पूरा गरेर चाँडो विद्यालय फर्काउने वातावरण सृजना गर्न सरकारसँग माग गरेका छन्। मंगलबार प्रतिनिधिसभाको बैठकमा शून्य समयमा बोल्दै उनले बानेश्वरको किनारमा दिनैपिच्छे जुलुस निकाल्ने, पानीको फोहरा खुवाउने र गीत गाउँने रुपमा मात्र व्यवस्थापन नगरी शिक्षकलाई तुरुन्तै विद्यालय पठाउने वातावरण सृजना गर्न माग गरे। उनले भने, ‘शिक्षक सम्पूर्ण देशका हुन् र सबैलाई पढाउने शिक्षक हुन्। उहाँहरूलाई बानेश्वरको किनारमा दिनैपिच्छे जुलुस निकाल्ने, पानीको फोहरा खुवाउने र गीत गाउने रुपमा व्यवस्थापन नगरियोस्। तुरुन्तै विद्यालय पठाउने वातावरण सृजना गरियोस्।’
बिएल संवाददाता - काठमाडौं
राष्ट्रिय स्वतन्त्र पार्टीका सांसद मनिष झाले राष्ट्रिय प्रजातन्त्र पार्टीका उपाध्यक्ष रविन्द्र मिश्रलाई राज्यले दुर्व्यवहार गरिरहेको भन्दै आपत्ति जनाएका छन्। मंगलबार बसेको प्रतिनिधिसभाको बैठकमा शून्य समयमा बोल्दै उनले मिश्रको विचार र व्यवहारप्रति सहमति नभएपनि राज्यले गरिरहेको दुव्र्यवहारप्रति विमति रहेको भन्दै त्यसलाई सच्याउन माग गरेका हुन्। उनले भने, ‘राष्ट्रिय प्रजातन्त्र पार्टीका सहअध्यक्ष रविन्द्र मिश्र ज्यूको विचार र व्यवहारप्रति सहमति नहोला तर उहाँप्रति राज्यले गरिरहेको दुर्व्यवहारप्रति मेरो घोर विमति छ। त्यसैले त्यसमा सच्याईयोस्।’
बिएल संवाददाता - काठमाडौं
नेपाली कांग्रेसका महामन्त्री गगन थापाविरुद्धको अवहेलना मुद्दाको सुनुवाइ कामु प्रधानन्यायाधीश सपना प्रधान मल्ल र न्यायाधीश नित्यानन्द पाण्डेयको इजलासमा सकिएको छ। गगनको मुद्दा इजलासको मुद्दा सूचीको पहिलो नम्बरमै राखेर सुनुवाइ गरिएको थियो। मुद्दामा आदेश आउन बाँकी छ। तत्कालिन ओली सरकारले अध्यादेशमार्फत ५२ जना संवैधानिक नियुक्तिसम्बन्धी मुद्दा किनारा नलगाएर सर्वोच्चले डिल गरिरहेको गत बिहीबार थापाले आरोप लगाएका थिए।
बिएल संवाददाता - काठमाडौं
नेपाली कांग्रेसका महामन्त्री गगन थापाविरुद्धको अवहेलना मुद्दा कामु प्रधानन्यायाधीश सपना प्रधान मल्ल र न्यायाधीश नित्यानन्द पाण्डेयको इजलासमा सुरु भएको छ। गगनको मुद्दा इजलासको मुद्दा सूचीको पहिलो नम्बरमै राखेर सुनुवाइ सुरु भएको हो। तत्कालिन ओली सरकारले अध्यादेशमार्फत ५२ जना संवैधानिक नियुक्तिसम्बन्धी मुद्दा किनारा नलगाएर सर्वोच्चले डिल गरिरहेको गत बिहीबार थापाले आरोप लगाएका थिए।
बिएल संवाददाता - काठमाडौं
यस्तै, अर्थमन्त्री विष्णुप्रसाद पौडेलले ‘अर्थ समितिको प्रतिवेदन सहितको भन्सार विधेयक, २०८० माथि छलफल गरियोस्’ भनी प्रस्ताव प्रस्तुत गर्ने र ‘भन्सार विधेयक, २०८१ लाई पारित गरियोस्’ भनी प्रस्ताव प्रस्तुत गर्ने छन्।
बिएल संवाददाता - काठमाडाैं
घटनापछि भारत र पाकिस्तानबीच फेरि चर्को द्वन्द्व सुरु भएको छ। एकअर्काविरुद्ध युद्धका लागि तयार भएको दाबी दुबै देशले गर्दै आएका छन्। योबीचमा दुबै देशका सेनाहरू पनि निकै आक्रामक देखिएका छन् र सिमानामा दुबै पक्षका सैनिकहरू गोली हानाहान पनि गरिरहेका छन्।
बिएल संवाददाता - काठमाडाैं
यो सडकखण्डका कारण राजमार्ग नै पूरै अस्तव्यस्त हुने गरेको छ। यसअघि पनि दिउँसोको समयमा सवारी रोकेर काम गरिएको थियो।
बिएल संवाददाता - काठमाडाैं
सर्वोच्च अदालतले गत बिहीबार सरकारका नाममा तीनदिन शिक्षकहरूलाई विद्यालय फर्किने वातावरण बनाउँन र चौथो दिन माग सम्बोधनमा भएका प्रगतिविवरण पठाउन आदेश गरेको थियो। सोही आदेशबमोजिम सरकारले शिक्षकलाई विद्यालय फर्काउन नसके पनि शिक्षक आन्दोलन सम्बोधनका लागि भएका सरकारका प्रयास र प्रगति विवरण समेटिएको प्रतिवेदन सर्वोच्च अदालतमा पेस गरेको छ। सर्वोच्चको आदेश लगत्तै शिक्षामन्त्री र शिक्षक प्रतिनिधिहरूबीच छलफल भएपनि निष्कर्ष निस्कन सकेन। फलस्वरुप सर्वोच्चले दिएको समयसीमा सकिँदा पनि शिक्षकहरू विद्यालय फर्किएनन्।
बिएल संवाददाता - काठमाडौं
राष्ट्रिय प्रजातन्त्र पार्टी नेपालका अध्यक्ष कमल थापाले आवश्यक प्रवन्ध मिलाएर केही समयको निमित्त भएपनि राष्ट्रवादीहरू एक ढिक्का भएर अगाडि बढ्न अपिल गरेका छन्। सोमबार सोमबार राजावादी आन्दोलनको क्रममा पक्राउ परेकाहरूको रिहाइको माग गर्दै राप्रपा नेपालले आयोजना गरेको जनप्रदर्शनमा बोल्दै उनले राजावादीको विचार र मान्यतालाई समाप्त गर्ने षड्यन्त्र भइरहेको बेला एक ठाउँमा उभिन नसके इतिहासले सराप्ने उननले बताए। उनले भने, ‘एकातर्फ राजसंस्था पुनःस्थापनाका लागि एकदमै अनुकूल वातावरण अर्कोतर्फ हाम्रो विचार र मान्यतालाई समाप्त गर्ने षड्यन्त्र भइरहेको बेला पनि यदी हामी एक ठाउँमा उभिन सकेनौं भने इतिहासले सराप्ने छ। राजसंस्था पुनःस्थापनाका लागि एकदमै अनुकूल वातावरण त्यसैले केही समयको निमित्त भए पनि एक ढिक्का भएर अगाडि बढौं।’
बिएल संवाददाता - काठमाडौं
नेपाली कांग्रेसका महामन्त्री गगन थापाले नेकपा एमालेसँग सरकारमा जाँदा गरेको प्रतिबद्धता कांग्रेसले कायम नै राख्ने बताएका छन्। सोमबार काठमाडौंमा कांग्रेसको उद्योग तथा व्यापार विभागले आयोजना गरेको बजेटसम्बन्धी अन्तर्क्रिया कार्यक्रममा बोल्दै उनले सरकारले परिणाम दिने गरी काम गर्नुपर्ने भन्दै नयाँ ढंगले काम गर्नेतर्फ सोच्नुपर्ने बताए। उनले भने, ‘हामी जोखिम उठाउन तयार छौं। यस्तो कुराहरूमा हाल गरिरहेको काम भन्दा फरक ढंगले गर्नुपर्छ। कम्फर्ट जोनबाट बाहिर आएर काम गर्नुपर्छ। नयाँ ढंगले सोच्नुपर्ने छ। नेपाली कांग्रेस अहिले नेकपा एमालेसँग सरकारमा छ। पार्टीको तर्फबाट प्रतिबद्धता र समर्थन छ। अहिलेको प्रतिबद्धताका आधारमा तलमाथि गर्न लाग्दैनौं। यसलाई तिव्र रुपमा अगाडि बढाउँछौं तर यो समयको प्रयोग गर्न चाहन्छौं। सरकार बस्नको लागि मात्र भएर भएन, काम गर्नुपर्छ। परिणाम दिनुपर्छ, रिजल्ट चाहिन्छ। रिजल्टमा काम गर्न चाहन्छौं।’
बिएल संवाददाता - काठमाडौं
राष्ट्रिय प्रजातन्त्र पार्टीका अध्यक्ष राजेन्द्र लिङ्देनले देशमा लुटतन्त्र, निरङ्कुशता हावी भइरहेको भन्दै त्यसको अन्त्यको लागि राप्रपा बाहेक कुनै विकल्प नरहेको दाबी गरेका छन्। राजावादी आन्दोलनको क्रममा पक्राउ परेकाहरूको रिहाइको माग गर्दै राप्रपा नेपालले आयोजना गरेको जनप्रदर्शनमा बोल्दै उनले अहिले सिङ्गो देशले राप्रपालाई आशाको नजरले हेरिराखेको भन्दै सबै प्रकारका आग्रह पूर्वाग्रह त्यागेर देशलाई निकास दिन एक ठाउँ बसेर अगाडि बढ्न राष्ट्रिय प्रजातन्त्र पार्टी सदैव तयार रहेको बताए। उनले भने, ‘अहिले प्रजातन्त्रको नाममा लोकतन्त्रको नाममा देशमा लुटतन्त्र, निरङकुशता हावी भइरहेको छ। त्यसको अन्त्यको लागि हामी बाहेक देशमा कोही विकल्प र शक्ति छैन। अहिले सिङ्गो देशले हामीलाई आशाको नजरले हेरिराखेको छ। त्यसकारण सबै देशभक्ति साथीलाई आग्रह गर्न चाहन्छु। सबै प्रकारका आग्रह पूर्वाग्रह त्यागेर देशलाई निकास दिन एक ठाउँ बसेर अगाडि बसौं। राष्ट्रिय प्रजातन्त्र पार्टी सदैव तयार छ।’
बिएल संवाददाता - काठमाडौं
कमल थापा नेतृत्वको राप्रपा नेपालले राजावादी नेताहरूको भेला गरेको छ। गत चैत १५ गते भएको राजावादीहरूको प्रदर्शन हिंसात्मक बनेपछि पक्राउ परेका राप्रपाका उपाध्यक्ष रविन्द्र मिश्रलगायत ६४ जना पक्राउको विरोधमा राप्रपा नेपालले सोमबार विरोध सभा आयोजना गरेको हो। कार्यक्रमा वरिष्ठ राजावादी नेताहरूको उपस्थित थियो। विरोध सभामा राप्रपा अध्यक्ष राजेन्द्र लिङदेनदेखि राजावादीको संयुक्त जनआन्दोलन समितिका संयोजक नवराज सुवेदीसम्म उपस्थित भए। राप्रपा सांसद दीपक सिंहसहित प्रहरी हिरासतबाट छुटेका राप्रपा महामन्त्री डा. धवलशम्शेर राणा पनि उपस्थित भए।
बिएल संवाददाता - काठमाडौं
२७ दिनदेखि जारी शिक्षक आन्दोलन अझै चर्किने संकेत देखिएको छ। आन्दोलनको २६औं दिन आइतबार बानेश्वरमा भएको झडपपछि शिक्षकहरूले आन्दोलनलाई थप चर्काएका छन्। सोमबार बिजुलीबजार क्षेत्रमा शान्तिपूर्ण प्रदर्शन गरेका हुन्। सडकमा उठेका आवाजलाई वार्ताबाट मत्थर पार्नुको सट्टा दमन गर्ने सरकारको नियतले मानवीय र भौतिक क्षति निम्तिएको भन्दै शिक्षकहरूले आन्दोलनका कार्यक्रमहरूलाई थप शसक्त बनाएका हुन्।
बिएल संवाददाता - काठमाडौं
१ .
२ .
३ .
४ .
५ .
