डेनमार्कको स्वायत्त देश ग्रीनल्याण्ड विश्वको सबैभन्दा ठूलो टापु हो। जहाँ अमेरिकाको ठूलो अन्तरिक्ष केन्द्र पनि छ। अमेरिकाका लागि उक्त भूभागको रणनीतिक महत्त्व छ किनभने त्यो उत्तर अमेरिकाबाट युरोप पुग्ने सबैभन्दा छोटो मार्ग पनि हो। ग्रीनल्यान्डमा प्रमुख खनिजहरूको ठूलो भण्डार छ। यीमध्ये कतिपय खनिजहरू विश्वमै दुर्लभ पनि मानिन्छन्।
बिएल संवाददाता - काठमाडौँ
घटनाको गम्भीरता र स्थानको संवेदनशीलता मूल्याङ्कन गर्दै हेटौंडा उपमहानगरपालिकाले आइतबार एक आकस्मिक बैठक डाकेर भूगर्भविदहरूको सहयोगमा वैज्ञानिक ढंगबाट खोजी कार्य अघि बढाउने निर्णय गरेको छ।
बिएल संवाददाता - काठमाडौँ
सुरक्षण मुद्रण केन्द्रका तत्कालीन कार्यकारी निर्देशक विकल पौडेललाई विशेष अदालतले थप दुई वर्ष कैद सजाय सुनाएको छ। पदको दुरुपयोग गरी भ्रष्टाचार गरेको कसूरमा विकल कारागार चलान भइसकेका छन्। न्यायाधीश टेकनारायण कुँवर, तेजनारायण सिंह राई र रामबहादुर थापाको इजलासले उनलाई गैरकानुनी लाभविरुद्धको मुद्दामा डेढ वर्ष कैद र १३ करोड ५८ लाख ५२ हजार ५८० रुपैयाँ जरिवाना गरेको छ। त्यस्तै पदीय हैसियतको दुरुपयोग गरेको कसूरमा थप छ महिना कैद सजाय तोकिएको छ। सञ्चार तथा सूचना प्रविधि मन्त्रालयको गुरुयोजनाविपरीत सामान खरिद गरेर उनीहरूले सरकारलाई ४० करोड ७५ लाख ५७ हजार ७४० रुपैयाँको हानिनोक्सानी गरेको अदालतको ठहर छ।
बिएल संवाददाता - काठमाडौं
जिल्ला अदालत काठमाडौंले पूर्व प्रधानसेनापति प्रभुराम शर्मालाई सक्कली नागरिकता बोकेर उपस्थित हुन आदेश दिएको छ। अभियान्ता डिल्लीराम खनालले सामाजिक सञ्जालमार्फत नागरिकताको विषयमा कुरा उठाउँदा शर्माले उनीमाथि शक्तिको दुरुपयोग गर्दै साइबर मुद्धामा पक्राउ गराएका थिए। सोही मुद्धाको सुनुवाइका क्रममा गत बिहीबार जिल्ला अदालत काठमाडौंले शर्मालाई नागरिकताको सक्कल बोकेर उपस्थित हुन आदेश दिएको हो। अदालतको आदेशपछि शर्मा यतिबेला तनावमा छन्। पदमा हुँदा शक्तिको दुरुपयोग गरी थुनाएका शर्मालाई अहिले त्यही मुद्धा टाउको दुःखाइ बनेको छ।
बिएल संवाददाता - काठमाडौं
प्रधानमन्त्री केपी शर्मा ओली र नेकपा (माओवादी केन्द्र)का अध्यक्ष पुष्पकमल दाहाल (प्रचण्ड)बीच भेटवार्ता भएको छ। आइतबार सिंहदरबारस्थित प्रधानमन्त्रीको कार्यालयमा उनीहरूबीच भेटवार्ता भएको हो। प्रचण्ड उपमहासचिव वर्षमान पुनलाई साथ लिएर ओली भेट्न सिंहदरबार पुगेका थिए। भेटवार्ताका क्रममा संक्रमणकालीन न्यायलाई टुंगोमा पुर्याउने, सम्बन्धित आयोगहरूमा गरिने नियुक्तिहरू लगायत समसामयिक सवालमा छलफल भइरहेको प्रधानमन्त्रीको सचिवालयले जनाएको छ। दुई नेताहरूबीचको छलफल जारी छ।
बिएल संवाददाता - काठमाडौं
गैरआवासीय नेपाली संघ(एनआरएनए)को उच्चस्तरीय समितिले गराएको एकता महाधिवेशनमार्फत महेश श्रेष्ठ अध्यक्षमा चयन भएसँगै बद्री केसीको समूह विघटन भएको छ। सर्वोच्च अदालतको आदेशअनुसार एनआरएनएका पूर्वअध्यक्ष शेष घलेको नेतृत्वमा बनेको उच्चस्तरीय समितिले एकता महाधिवेशन गराएको हो। शनिबारबाट काठमाडौंको हायात होटलमा जारी महाधिवेशनको परराष्ट्रमन्त्री आरजु राणाले उद्घाटन गरेकी थिइन्। निर्वाचन समितिका प्रमुख निर्वाचन आयुक्त बरिष्ठ अधिवक्ता गोपालकृष्ण घिमिरेका अनुसार अध्यक्षसहित सबै कार्यसमिति निर्विरोध चयन गरिएको हो। आधिकारिक नयाँ कार्यसमिति बनेसँगै राजनीतिक गुटबन्दी गर्दै एनआरएनएलाई नै पंगु बनाइरहेको बद्री केसी समूहको औपचारिक विघटन भएको हो। बद्री समूहमाथि प्रधानमन्त्री केपी शर्मा ओलीको आशिर्वाद थियो।
बिएल संवाददाता - काठमाडौं
प्रधानमन्त्री केपी शर्मा ओलीसमक्ष द्वन्द्वपीडितका विभिन्न संस्थाका प्रतिनिधिले सङ्क्रमणकालीन न्यायसँग सम्बन्धित दुई आयोगको पदाधिकारी सिफारिस प्रक्रियालाई विश्वसनीय र पारदर्शी बनाउन मागसहित ध्यानाकर्षणपत्र बुझाएका छन्। आइतबार प्रधानमन्त्री निवास, बालुवाटारमा भएको भेटमा द्वन्द्वपीडित देवी खड्कासहित प्रतिनिधिले सिफारिस समितिले आफूहरूसँग परामर्श नगरेको र विश्वासिलो वातावरण नबनेको भन्दै चिन्ता व्यक्त गरेका हुन्। ध्यानाकर्षणपत्रमा दलीय भागबण्डा नभई निष्पक्ष एवं पीडितले विश्वास गर्न सक्ने व्यक्तिलाई आयोगको अध्यक्ष र सदस्यमा सिफारिस हुनुपर्ने माग गरेका छन्। सरकारले बेपत्ता पारिएका व्यक्तिको छानबिन र सत्य निरुपण तथा मेलमिलाप आयोगसम्बन्धी ऐनबमोजिम दुई आयोगको पदाधिकारी सिफारिसका लागि गठन गरेको समितिले प्राप्त आवेदक मध्येबाट संक्षिप्त सूची प्रकाशन गरिसकेको छ।
बिएल संवाददाता - काठमाडौं
नवनियुक्त ऊर्जा, जलस्रोत तथा सिँचाइ राज्यमन्त्री खमबहादुर गर्बुजाले पद तथा गोपनीयताको सपथ लिएका छन्। आइतबार प्रधानमन्त्री निवास, बालुवाटरमा आयोजित कार्यक्रममा प्रधानमन्त्री केपी शर्मा ओलीले राज्यमन्त्री गर्बुजालाई पद तथा गोपनीयताको सपथ ग्रहण गराए। कार्यक्रममा उपप्रधानमन्त्री एवं शहरी विकासमन्त्री प्रकाशमान सिंह, गृहमन्त्री रमेश लेखक, मन्त्रीहरू, नेपाल सरकारका उच्चाधिकारीलगायत उपस्थित थिए।
बिएल संवाददाता - काठमाडौं
कोहलपुर-सुर्खेत १३२ केभी प्रशारण लाईन निर्माणमा स्थानीयवासीले पटक-पटक अवरोध गरेपछि सुरक्षाकर्मी परिचालन काम सुरु गरिएको छ। बाँकेको बैजनाथमा स्थानीयले अवरोध गरेपछि विद्युत लाईन बिस्तार प्रभावित हुँदै आएको थियो। बाँकेको बैजनाथ गाउँपालिका-४ बानिँयाभार क्षेत्रको जंगलमा स्थानीयले विद्युतका टावर निर्माणमा अवरोध गर्न थालेपछि प्रहरीको घेरामा काम थालिएको हो। जिल्ला प्रशासन कार्यालय बाँकेले निर्माणस्थलमा सुरक्षाकर्मी खटाएर काम भइरहेको कोहलपुर-सुर्खेत-दैलेख १३२ केभी प्रसारण लाइन आयोजनाका इन्जिनियर कृष्ण खड्काले जानकारी दिए।
बिएल संवाददाता - बाँके
गैरआवासीय नेपाली संघ (एनआरएनए)को एकता महाधिवेशनबाट एसिया प्रशान्त क्षेत्रीय उपसंयोजक पदमा थाइल्यान्डका लोकेन्द्र ओली निर्विरोध निर्वाचित भएका छन्। एनआरएनए थाइल्यान्डको इतिहासमै यो पहिलो पटक हो, जहाँ प्रतिनिधिले क्षेत्रीय तहमा कुनै प्रतिस्पर्धा बिना निर्वाचित हुने अवसर प्राप्त गरे। एनआरएनएको शुद्धिकरण, भावनात्मक एकता, आर्थिक पारदर्शिता र ‘एनआरएनए-मित्र’ अवधारणालाई प्राथमिकतामा राख्दै ओलीले एसिया प्रशान्त क्षेत्रीय उपसंयोजक पदमा उम्मेदवारी दिएका थिए। काठमाडौंमा जारी एकता महाधिवेशनबाट एसिया प्रशान्त क्षेत्रीय संयोजक पदमा डा. बलराम श्रेष्ठ, एसिया प्रशान्त क्षेत्रीय उपसंयोजकमा ओलीसहित रामप्रसाद खरेल निर्विरोध निर्वाचित भएका छन्।
बिएल संवाददाता - बैंकक, थाइल्यान्ड
गैरआवसीय नेपाली संघ(एनआरएनए)को एकता महाधिवेशनले महेश श्रेष्ठलाई अध्यक्षमा निर्विरोध निर्वाचित गरेको छ। शनिबार काठमाडौंको हायात होटलमा जारी महाधिवेशनको दोस्रो दिन आइतबार निर्वाचन प्रक्रियाबाट श्रेष्ठलाई अध्यक्षमा निर्विरोध चयन गरिएको हो।
बिएल संवाददाता - काठमाडौँ
रुसका लागि पाकिस्तानी राजदूत मोहम्मद खालिद जमालीले पाकिस्तानले अब भारतलाई परम्परागत हतियारबाटमात्रै होइन बरु परमाणु बम हान्नसक्ने धम्की पनि दिएका छन्। रुसकै एउटा टेलिभिजन च्यानल आरटीसँग कुरा गर्दै उनले भारतले सिन्धुको पानी रोक्न खोज्यो वा कुनै आक्रमणको सुरुवात गर्यो भने त्यसको जवाफ पाकिस्तानले परमाणु हतियारबाट दिनसक्ने बताए।
बिएल संवाददाता - काठमाडौँ
नेपाली समाजको मनोविज्ञान अहिले एक किसिमको गहिरो दोधारमा छ। राजनीतिक परिवर्तनका लहरहरूको अनुभुति लिई सकेको यो देश फेरि एक पटक कुनै निर्णयको दोबाटोमा उभिएको छ। एकातिर जनतामा निराशा छ, अर्कातिर मौनतामा चेतना निराश छ। जुन मौनता न त पूर्ण रूपमा बेखबर हो, न नै निष्क्रिय। के यो मौनता चेतनशील हो? वा, अब फेरि क्रान्तिको तयारी हुँदैछ? नेपालको आधुनिक इतिहास आन्दोलनहरूको इतिहास हो। प्रश्न साधारण छन तर परिस्थिति गम्भिर छ! १)आन्दोलन पहिले पनि भए तर २००७ सालको राणा विरोधी आन्दोलनले प्रजातन्त्र ल्यायो जसको साक्षी नेपाली काग्रेस छ। २) अर्को विद्रोह २०४६ सालको जनआन्दोलनले देखायो जुन बहुदलीय व्यवस्था पुनःस्थापित गर्न थियो जुन भयो र गर्यो पनि।
बिएल संवाददाता - काठमाडौं
नेकपा एकीकृत समाजवादीका अध्यक्ष माधव नेपालले हाम्रो समाजमा वर्गीय समस्या र जातिय समस्या अझैं रहेको बताएका छन्। नेपाल आदिवासी जनजाती महासंघ समाजवादीको दोस्रो राष्ट्रिय महाधिवेशन उद्घाटन समारोहमा बोल्दै उनले नेपालको जातिय समस्या, भेद्भावको समस्या, असमानताको समस्या, पछौंटेपनको समस्या हटाउँदै सिंगो मानव जाति एक हुनुपर्ने बताए। उनले गणतन्त्र र संविधान जोगाउन समाजवादी मोर्चा अगाडि सारिएको बताए। उनले भने, ‘राष्ट्रिय राजनीतिमा हाम्रो पार्टी आफ्नो तरिकाबाट भूमिका खेलिरहेको छ। अहिले राजावादी शक्तिहरूले टाउको उठाउन खोजेका छन्। झण्डै उनीहरू हावी होलान की भन्ने भइसक्या थियो। त्यस्तो बेलामा हामीले समाजवादी मोर्चालाई अगाडि बढाएर चारवटा वामपन्थी पार्टीहरू एक ठाउँमा जम्मा भएर हामीले सोच्यौं राष्ट्रिय राजनीतिको एजेण्डा, यो संविधान जोगाउने एजेण्डा, यो गणतन्त्र बचाउने एजेण्डा।’
बिएल संवाददाता - काठमाडौं
पूर्व प्रधानमन्त्री तथा नेकपा एकीकृत समाजवादीका नेता झलनाथ खनालले सरकारमा दलाल पूँजीवादी पार्टीहरू रहेकाले जनताको हितमा नीति तथा कार्यक्रम नबनेको बताएका छन्। नेपाल आदिवासी जनजाती महासंघ समाजवादीको दोस्रो राष्ट्रिय महाधिवेशन उद्घाटन समारोहमा बोल्दै उनले सरकारले ल्याएको नीति तथा कार्यक्रमले जनताको समस्या समाधान नगर्ने बताएका हुन्। ‘अहिले दुईवटा पार्टीको सरकार छ एउटा पार्टी दलाल पूँजीवादी पार्टी हो। त्यो पार्टीले जनताको समस्या समाधान गर्ला भनेर आम जनताले सोचेकै छैन। किनभने त्यो समस्या समाधान गर्ने उनीहरूसँग नीति पनि छैन, कार्यक्रम पनि छैन। हिजो पनि छैन, आज पनि छैन। अहिले बजेट आयो त्यहाँ पनि छैन। यो बजेट त नेपाली कांग्रेको मात्र त हैन, सरकारमा ७ वटा पार्टी छन्। दोस्रो ठुलो पार्टी नेकपा एमालेले पनि ल्याएको नीति कार्यक्रम हो तर यो नीति कार्यक्रममा कांग्रेसको नीति र कार्यक्रम भन्दा भिन्न केही छैन। यो दुःखद् कुरा हो,’ उनले भने।
बिएल संवाददाता - काठमाडौं
प्रधानमन्त्री एवं नेकपा (एमाले) संसदीय दलका नेता केपी शर्मा ओलीले संघीय संसदमा प्रस्तुत नेपाल सरकारको नीति तथा कार्यक्रम स्थिरता, विकास र सुशासनका लागि सही नीतिका साथ आएकाले ढुक्कका साथ दृढतापूर्वक समर्थन गर्न सांसद्हरूलाई आग्रह गरेका छन्। प्रधानमन्त्री निवास, बालुवाटारमा आज बसेको एमाले संसदीय दलको बैठकमा सम्बोधन गर्दै प्रधानमन्त्री ओलीले देशमा स्थिरता र स्थायित्व कायम राख्दै सुशासनको राम्रो प्रबन्ध गरी अर्थतन्त्रलाई तीव्र गतिमा अगाडि बढाउने सरकारले लक्ष्य लिएको स्पष्ट पारे। उनले सरकारका नीति तथा कार्यक्रममा विपक्षीहरूले समर्थन नगर्ने भएकोले उनीहरूका कुरामा कुनै सत्यता छ कि भनेर घोत्लिन आवश्यक नभएको बताए।
बिएल संवाददाता - काठमाडौं
परराष्ट्रमन्त्री डा. आरजु राणा देउवाले गैरआवासीय नेपाली संघ (एनआरएनए)लाई नेपालमा आएर राजनीति नगर्न आग्रह गरेकी छन्। सर्वोच्च अदालतको फैसलाअनुसार पूर्वअध्यक्ष शेष घलेको नेतृत्वमा बनेको उच्चस्तरीय समितिको पहलमा आजदेखि काठमाडौंमा सुरु भएको एनआरएनए एकता महाधिवेशनलाई सम्बोधन गर्दै मन्त्री राणाले एनआरएनए संस्था राजनीति गर्ने ठाउँ नभएको बताइन्। उनले एनआरएनएमा रहेर देश समृद्ध बनाउन सहयोग गर्नुपर्ने बताइन्। मन्त्री राणाले भनिन्, ‘यहाँ आएर राजनीति नगरिदिनुस्। यहाँ आएर देशलाई समृद्ध बनाउन तपाईँहरूले सहयोग गरिदिनुस्। हामी राजनीति गर्नेलाई त्यत्ति धेरै समृद्धि कसरी गर्ने भनेर थाहा छैन। तपाईँहरू त कहीँ लेबर गरेर पनि गर्नुभएको छ। एउटै जेनेरेसनभित्र तपाईँहरूले कति ठुलो फड्को मारेर आफ्नो सन्तान, समाज, गाउँ, समुदायलाई अगाडि बढाउनुभएको छ।’
बिएल संवाददाता - काठमाडौं
नेकपा एकीकृत समाजवादीका वरिष्ठ उपाध्यक्ष राजेन्द्र पाण्डेले केपी ओलीले संसद विघटन गरेकोमा माफी नमागेसम्म एमालेसँग एकता हुन नसक्ने बताएका छन्। शनिबार पार्टी निकट आदिवासी जनजाति महासंघको दोस्रो राष्ट्रिय महाधिवेशनलाई सम्बोधन गर्दै पाण्डेले प्रधानमन्त्री ओलीलाई भेटेको कुरालाई जोडेर ‘एमालेसँग एकता हुँदैछ’ भनेर चलाइएको हल्लामा कुनै सत्यता नभएको दाबी गरे। उनले भने, ‘हामीले बजेटको विषयमा सुझाव लिएर प्रधानमन्त्रीकहाँ गएका थियौं। त्यसलाई तोडमोड गरेर केहीले अब माधव नेपालको मिलन हुनेभयो भन्दै प्रचार गरे।’ उनले ओलीले गरेको संसद विघटन अपराध भएको टिप्पणी गर्दै अपराधको माफी माग्नुपर्ने बताए।
बिएल संवाददाता - काठमाडौं
पिताम्बर हेर्दै गर्दा मैले बारम्बार वेदरिङ हाइट्सकी इम्याली ब्रोन्ट र शिरिषको फुलकी पारिजातलाई सम्झिरहेँ। महिला कृषा चौलागाईंले यो हदसम्मको हिंसात्मक दृष्यहरूको निर्देशन गरिन होला भनेर पत्याउन मलाई गार्हो परिरहेको थियोे। बाबुको टुङ्गो नभएको बालककी आमालाई बारम्बार गरिने अपमान र अनि हत्या, त्यसपछि शारीरिक यातना र मानसिक प्रताडनाबाट पाइलैपिच्छे गुज्रेको बालकले कसरी आफ्नो र आफ्नी आमाको अपमान, प्रताडना र हत्याको बदला लिन्छ? पिताम्बरको कथा यति नै हो। कथामा कुनै नयाँपन छैन, तर बदला लिने क्रममा देखाइएका हिंसाका दृष्यहरू यति क्रुर र भयानक छन् कि हरेक दृष्यमा आङ जिरिङ हुन्छ। चलचित्रको सुरुमै मञ्चमा भाषण गरिरहेको कुनै नेतालाई नायकले मञ्चमै उक्लेर घाँटी रेटेर हत्या गर्छ, त्यो दृष्य डिटेलमा देखाइएको छ।
बिएल संवाददाता - काठमाडौं
हेटौंडामा एक्कासी सडक भासिँदा माछा बोक्ने सिंगल क्याप बोलेरो गाडी खाडलमै बेपत्ता भएको छ। शुक्रबार अपरान्ह हेटौंडा उपमहानगरपालिका वडा नम्बर १६ र १७ को सीमाना नजिकै गैरीगाउँमा सडक भासिँदा ना४च ४८३३ नम्बरको बलेरो गाडी बेपत्ता भएको मकवानपुर प्रहरीले जनाएको छ। गाडी रोकिराखेको जमिन एक्कासी भासिँदा केही सेकेन्डमै गाडी खाडलमा बेपत्ता भएको प्रत्यक्षदर्शीले बताएका छन्। गाडीका चालक र सहचालक भने गाडी भासिनुभन्दा अघि नै निस्केकाले जोगिएका प्रहरीले जनाएको छ। गाडी भासिएपछि सडकमै पानीको दह बनेको छ। गाडी भासिएको एरियामा माछा पोखरी र बोरिङ रहेकोले बोरिङको कारण जमिन भासिएको हुनसक्ने अनुमान गरिएको छ।
बिएल संवाददाता - हेटौंडा
१ .
२ .
३ .
४ .
५ .
