BreakNLinks

सोमबार, १० नोभेम्बर २०२५

राजनीति

प्रकाशमानविरुद्ध बालेनको आक्रोश- मलाई हराउने नाममा कांग्रेसको इतिहास माटोमा नमिसाउनु

कांग्रेसका वडा अध्यक्षहरूले कार्यपालिका बैठक बोलाउन निवेदन दिएपछि काठमाडौं महानगरपालिकाका मेयर बालेन शाह कांग्रेसप्रति आक्रोशित भएका छन्। आइतबार कांग्रेसका वडाध्यक्षहरूले प्रमुख प्रशासकीय अधिकृत नभएपछि पालिकाको कामकाज ठप्प भएको भन्दै जवाफसहित कार्यपालिका बैठक बोलाउन बालेनलाई पत्र बुझाएका थिए। लगत्तै बालेनले उपप्रधान एवं शहरी विकासमन्त्री प्रकाशमान सिंहमाथि आक्रोश पोखेका छन्। उनले आफूलाई हराउने नाममा आफ्नै शहर र देश नहराउँन भन्दै कांग्रेसको इतिहास माटोमा नमिसाउन आग्रह गरे।

बिएल संवाददाता

बिएल संवाददाता - काठमाडौं

जब देशमा संकट पर्छ, कांग्रेस-एमाले मिल्छन्ः शंकर पोखरेल

‘कांग्रेस र एमाले पहिलो पटक मिलेका होइनन्, जतिबेलासम्म यी दुई पार्टी मिलेनन् तबसम्म देशमा तानाशाही व्यवस्था रहिरह्यो, जब देशलाई संकट पर्छ, तब कांग्रेस र एमाले मिल्ने गर्छन्’, पोखरेलले भने ।  पोखरेलले माओवादीको सशस्त्र द्वन्द्वको निशानामा राजा नभएर कांग्रेस र एमाले भएको दाबी गरे। माओवादीलाई सशस्त्र द्वन्द्वको बेला कसले पालन पोषण गरेका थिए भन्ने कुरा प्रमाणित हुँदै गएको उनको भनाइ छ। नेपालको राजनीतिमा नेपाली कांग्रेसले संसद् विघटन गर्दा सदर हुने तर एमालेले गर्दा अमान्य हुने गरेको पोखरेलले गुनासो थियो। नेपालको न्याय निरूपणको प्रक्रियामा अदालतको समेत दोहोरा चरित्र देखिएको पोखरेलको गुनासो छ।

बिएल संवाददाता

बिएल संवाददाता - विराटनगर

‘यौन पेशा’मा चर्किएको बहस : कानुन बनाएर चलाउने कि थाहा नपाएजस्तो गर्ने?

कतिपयले यस्तो पेशालाई नियन्त्रण र बन्देज गर्नुपर्ने आवाज उठाएका छन् भने कतिपयले यौन श्रमिकहरुको विषयलाई मानव अधिकारको दृष्टिकोणबाट पनि आवाज उठाइरहेका छन्।

बिएल संवाददाता

बिएल संवाददाता - काठमाडौं

देउवालाई ज्ञानेन्द्र शाहीको जवाफ: भुइँ छोड्नुभयो, तपाईंको पतन निश्चित छ

उनले राजाबारे धारणा बुझ्ने हो भने नेपाली काँग्रेसभित्र चुनाव गराउन पनि देउवालाई सुझाव दिएका छन्। आइतबार एउटा कार्यक्रममा बोल्दै नेपाली काँग्रेसका सभापति शेरबहादुर देउवाले पूर्वराजा ज्ञानेन्द्र शाहलाई संवैधानिक राजा हुन पनि लायक नभएको बताएका थिए।  त्यसको सट्टामा बरु उनलाई आफ्नै पार्टीको सभापति बनाउन पनि देउवाले राप्रपालाई सुझाव दिएका थिए।

बिएल संवाददाता

बिएल संवाददाता - काठमाडौं

देश विकासको गतिमा अगाडि बढेको छः प्रधानमन्त्री

आइतबार राष्ट्रिय युवा संघ नेपालले आयोजना गरेको ‘टुगेदर फर टुमरोः युुथ एण्ड द प्राइमिनिस्टर’ कार्यक्रममा बोल्दै उनले देश विकासको गतिमा अगाडि बढेको दाबी गरेका हुन्। उनले भने, ‘समस्याहरू छन्, ‘तिनको कारण छ र समाधान पनि छ’ भन्दै त्यसतर्फ सरकारले काम अगाडि बढाएको छ।’ उनले आफूले नै डिजिटल नेपालको नारा दिएको र त्यसले प्रविधिको क्षेत्रमा ठूलो परिवर्तन ल्याएको बताए। उनले भने,‘हामीले थुप्रै मेडिकल कलेजहरु बनायौं। प्रत्येक पालिकामा आधारभूत तहका अस्पताल बनाउने भनेर अगाडि बढायौं। कतिपय बनिसकेका छन् भने कति तयार हुने क्रममा छन्। त्यसले नेपालको स्वास्थ्य क्षेत्रमा ठूलो परिवर्तन ल्याउने छ।  सरकार शिक्षा र स्वास्थ्यलाई प्राथमिकतामा राखेर अगाडि बढेको छ। हाम्रा छोरीहरूले विशेषज्ञ चिकित्सको सपना देख्नुभएको छ, त्यो बन्ने प्रतिक्षामा हुनुहुन्छ, कतिले अहिले विशेषज्ञ भएर सेवा गरिरहनुभएको छ, यो अहिलेको समयको उपलब्धि हो। हामी भावनात्मक ढंगले चल्नु हुँदैन, अहिले जति पनि समस्याहरू छन्, ती विकासको गतिसँगै आएका हुन् त्यसलाई व्यवस्थित गरी हामी अगाडि बढ्नुपर्छ।’

बिएल संवाददाता

बिएल संवाददाता - काठमाडौं

फरार बजरंगी बाबा भन्छन्- म भागेकै छैन, मिडियाहरू दलाल हुन् (भिडियोसहित)

औरही गाउँपालिका-५ का दलित समुदायका पीडित दीपक मल्लिकले दिएको जातीय भेदभाव तथा छुवाछूतसम्बन्धी कसुरको जाहेरीमा गाउँपालिका अध्यक्ष शिवजी यादव, पूर्ववडाध्यक्ष दिलीप यादव र बजरंगी बाबालाई प्रतिवादी बनाइएको छ। आउँदो चैत १७ गतेदेखि आयोजना हुने भनिएको महायज्ञका नाममा फागुन १० मा अछुत भन्दै महायज्ञस्थलमा रहेको मल्लिकको घर गाउँपालिका अध्यक्ष शिवजी यादव, पूर्ववडाध्यक्ष दिलीप यादव र बजरंगी बाबाले डोजर लगाएर भत्काइदिएका थिए। यस घटनामा गाउँपालिका अध्यक्ष र पूर्ववडाध्यक्षलाई शुक्रबार साँझ मात्रै प्रहरीले पक्राउ गरेको थियो। बजरंगी बाबा भने अझै फरार छन्। उनको खोजीकार्य भइरहेको जिल्ला प्रहरी कार्यालय, सिरहाले जनाएको छ।

बिएल संवाददाता

बिएल संवाददाता - सिरहा

काठमाडौं महानगरको कार्यपालिका बैठक बोलाउन वडाअध्यक्षहरूको माग

‘आज प्रमुख प्रशासकीय अधिकृत सरोज गुरागाईलाई गरिएको कारवाही प्रक्रियाको माग सहित तत्कालै कार्यपालिका बैठक बोलाउन वडाअध्यक्ष एवं कार्यपालिका सदस्यहरूले माग गरेका छौ,’ काठमाडौँ महानगरपालिका वडा–८ का वडाअध्यक्ष आशामान संगतले बताए।

बिएल संवाददाता

बिएल संवाददाता - काठमाडौं

समतामूलक समाज निर्माणमा सरकारको तदारूकता चाहियोः राष्ट्रपति

नेपाल सरकारको आर्थिक वर्ष २०८०/८१ को वार्षिक प्रतिवेदन प्रस्तुत कार्यक्रमलाई सम्बोधन गर्दै उनले उपलब्ध स्रोत साधन परिचालन गरी राज्यका निर्देशक सिद्धान्त, नीति तथा दायित्वको प्रभावकारी कार्यान्वयनबाट मात्र मुलुकमा दिगो शान्ति, सुशासन, सामाजिक न्याय, समनतामूलक समाज निर्माण एवं विकास र समृद्धिको संवैधानिक उद्देश्य प्राप्‍त हुने बताएका हुन्। राष्ट्रपति पौडेलले नेपालको संविधानको मुलभूत मर्म र भावना एवं राज्यका निर्देशक सिद्धान्त, नीति तथा दायित्वसम्बन्धी संवैधानिक व्यवस्थालाई कार्यान्वयन गर्दै जानु पर्ने उल्लेख गरे। उनले आगामी दिनमा समेत नेपालको संविधानको मर्म र भावनाबमोजिम राज्यका निर्देशक सिद्धान्त, नीति तथा दायित्व अनुसारका काम कारबाहीहरू क्रमिक र प्रभावकारी रूपमा कार्यान्वयन गर्न नेपाल सरकार अझ सक्रिय र क्रियाशील रहने विश्‍वास लिएको बताए।

बिएल संवाददाता

बिएल संवाददाता - काठमाडौं

वाकीटकी प्रयोगमा प्रतिबन्ध लगाइएको हो? विभाग भन्छ- होइन, नियन्त्रण गर्छौं

वाकीटकी लगायतका रेडियो फ्रिक्वेन्सीका लागि विभिन्न वेबसाइट तथा सामाजिक सञ्जाल लगायतका माध्यमहरू मार्फत् विज्ञापन गरिएको पाइएपछि त्यसलाई रोक्न मात्र खोजिएको विभागका इलेक्ट्रोनिक इन्जिनियर भरत दानकोटीले बताए। ‘हामीले वाकीटकीमा प्रतिवन्ध लगाउन खोजेको भन्ने सन्देश बाहिर गएछ। त्यसो गर्न खोजिएको होइन। विभिन्न वेबसाइट तथा सामाजिक सञ्जाललगायतका माध्यमहरूमार्फत विज्ञापन समेत गरी बेचबिखन भइरहेको जानकारी आएपछि त्यसलाई नियन्त्रण गर्न खोजेका हौं,’ उनले भने। वाकीटकीलगायतका रेडियो यन्त्रहरू अवैधानिक रूपमा लाइसेन्स नलिई बजारमा तथा अनलाइन माध्यमबाट बिक्री वितरण तथा प्रयोग भइरहेको पाइएपछि रोक्ने प्रयास गरिएको उनले बताए।

बिएल संवाददाता

बिएल संवाददाता - काठमाडौं

देउवाको टिप्पणी- ज्ञानेन्द्र राजा बन्न लायक छैनन्, राप्रपाले अध्यक्ष बनाइदिए हुन्छ

उनले राजा बोकेर हिँडेको राप्रपाले पूर्वराजालाई बरू पार्टी अध्यक्ष बनाइदिए हुने सुझाव दिए। उनले राजा बोकेर हिँडे राप्रपाले पनि दुःख पाउने दाबी गरे। उनले भने, ‘ज्ञानेन्द्र संवैधानिक राजा बन्न लायक मान्छे पनि होइनन्। बरु राप्रपाले पार्टी सभापति बनाए हुन्छ, पूर्वराजाले राजनीति नै गर्नु छ भने पार्टी खोलेर गरे भइहाल्यो नि। तर, त्यो पार्टीमा लाग्नेले पनि धेरै दुःख पाउँछन्। राप्रपाले पनि दुख पाउँछन्।’ उनले थपे, ‘यिन (ज्ञानेन्द्र)को बानी के छ भने टेम्पारामेन्टले पनि यिनी कुनैपनि हालतमा संवैधानिक राजा बन्नेवाला छैनन्।’

बिएल संवाददाता

बिएल संवाददाता - काठमाडौं

पीएन क्याम्पसमा १६ वर्षपछि स्ववियु निर्वाचन, भत्किएला एमालेको किल्ला?

पोखराको पृथ्वीनारायण (पीएन) क्याम्पसमा १६ वर्षपछि स्वतन्त्र विद्यार्थी युनियन (स्ववियु)को निर्वाचन हुँदैछ। १६ वर्षसम्म हुन नसकेको निर्वाचन चैत ५ गते गर्ने तयारी भएपनि फेरि विवाद हुँदा चैत १० गतेका लागि तय भएको थियो। आज भने बिहान ८ बजेबाट मतदान सुरु भएको छ। १६ वर्षपछि क्याम्पसले स्ववियु नेतृत्व पाउँदैछ। निर्वाचन अधिकृत प्राध्यापक डाक्टर रामचन्द्र पोखरेलका अनुसार क्याम्पसमा ७ हजार ४ सय विद्यार्थी मतदाता छन्। क्याम्पस अनेरास्ववियुको गढ मानिन्छ। पीएन क्याम्पसमा यसपटक स्ववियु सभापतिका लागि ८ जना दाबेदार छन्।

बिएल संवाददाता

बिएल संवाददाता - काठमाडौं

प्रचण्ड कुर्दै ओली-देउवा, काठमाडौं आउनेवित्तिकै छलफलको तयारी

प्रधानमन्त्री केपी ओली, कांग्रेस सभापति शेरबहादुर देउवा र माओवादी अध्यक्ष पुष्पकमल दाहाल प्रचण्डबीच शान्ति प्रक्रियाको बाँकी कामबारे छलफल गर्ने तयारी भएको बालुवाटार स्रोतले बतायो। प्रचण्ड यतिबेला तराई मधेस जागरण अभियानमा छन्। उनी आइतबार साँझ काठमाडौं फर्किने तयारीमा रहेको खुमलटार स्रोतले बतायो। स्रोतका अनुसार शीर्ष नेताहरूबीच टीआरसीको विषयमा मात्र छलफल हुनेछ। अन्य विषयमा माओवादीले छलफल नगर्ने स्रोतको दाबी छ। बालुवाटार स्रोतले भने उनीहरूबीच टीआरसीको विषयका साथै पछिल्लो राजनीतिक घटनाक्रम र राजावादीहरूको सक्रियताबारे पनि छलफल हुने बताएको छ।

बिएल संवाददाता

बिएल संवाददाता - काठमाडौं

महायज्ञका नाममा दलितमाथि ज्यादती: गाउँपालिका अध्यक्षसहित तीनविरुद्ध जातीय छुवाछूतमा जाहेरी दर्ता

सिरहाको औरहीमा महायज्ञका नाममा दलितमाथि ज्यादती भएको घटनामा पीडित परिवारले प्रहरीमा जाहेरी दर्ता गराएका छन्। शनिबार दलित अगुवासहित पुगेर पीडित परिवारले जिल्ला प्रहरी कार्यालय, सिरहामा जाहेरी दर्ता गराएका हुन्। औरही गाउँपालिका-५ का दलित समुदायका पीडित दीपक मल्लिकले दिएको जातीय भेदभाव तथा छुवाछूतसम्बन्धी कसुरको जाहेरीमा गाउँपालिका अध्यक्ष शिवजी यादव, पूर्ववडाध्यक्ष दिलीप यादव र बजरंगी बाबालाई प्रतिवादी बनाइएको छ। औरहीका स्थानीयवासीसमेत रहेका राष्ट्रिय दलित आयोगका पूर्वसदस्य कबुली पासवानका अनुसार जाहेरीमा प्रतिवादीहरूले पीडित परिवारमाथि जातीय छुवाछूत गरेको, घर तोडफोड गरी विस्थापन गरेको भन्दै कानुन बमोजिम कारवाही हुनुपर्ने र पीडितलाई क्षतिपूर्ति दिइनुपर्ने माग गरिएको छ।

बिएल संवाददाता

बिएल संवाददाता - सिरहा

‘राजावादी’को आन्दोलनबारे रणनीति बनाउँदै काँग्रेस

नेकपा एमालेका अध्यक्ष केपी शर्मा ओलीको सरकारमा नेपाली काँग्रेस अहिले मुख्य साझेदार हो। नेकपा एमालेले समेत राजावादीहरूका विरुद्ध चरणवद्ध आन्दोलनहरू घोषणा गरिसकेका छ। यसअघि नेकपा एमालेकै पहलमा ‘गणतन्त्रवादी राजनीतिक दलको संयुक्त आन्दोलन’ घोषणा गर्न नेपाली काँग्रेसले मानेको थिएन।

बिएल संवाददाता

बिएल संवाददाता - काठमाडौं

जनताले ‘प्रचण्ड नै चाहिन्छ’ भन्न थालिसके, ०८४ मा कांग्रेस-एमालेको दिन सकिन्छः प्रचण्ड

उनले आफूप्रति जनताको सद्भाव बढेको दाबी गर्दै जनताले प्रचण्ड नै चाहिन्छ भन्न थालेको दाबीसमेत गरे। उनले भने, ‘प्रचण्डप्रति जनताको जुन स्तरको आशा, भरोषा देखेँ, त्यो साँच्चै नै असाधारण छ। जनताले २०६४ को भन्दा उचाइको महसुस गरेर प्रचण्ड नै चाहिन्छ भन्न थालेका छन्। तपाईंहरुले सुन्नुभएकै होला। त्यसले पार्टी र मप्रति ठूलो जिम्मेवारी र प्रेरणा बनेको छ।’ उनले भर्खरै सम्पन्न स्ववियु निर्वाचनमा कांग्रेस र एमालेनिकट सङ्गठनहरूलाई समेत आफ्ना विद्यार्थी संगठनले सखाप पारेको दाबी गरे। उनले कांग्रेस र एमाले अहिले भ्रष्टाचारीको संरक्षणमा केन्द्रीत रहेको दाबी पनि गरे।

बिएल संवाददाता

बिएल संवाददाता - चितवन

पूर्वराजा गोरखामा, राजावादीहरू नारायणहिटीमा

र्‍यालीका क्रममा राजावादीहरूले ‘नारायणहिही खाली गर’,‘हाम्रो राजा हाम्रो शान’, ‘राजसंस्था जिन्दावाद’, ‘राजा आउ देश बचाउ’ जस्ता नाराहरू पनि लगाएका थिए। र्‍याली अघि बढ्ने क्रममा प्रहरीले पटक-पटक अवरोध गरेको थियो। यसअघि फागुन २५ गते पोखराबाट पूर्वराजा शाह फर्किँदा काठमाडौंमा भव्य स्वागत गरिएको थियो। सोही दिनबाट हौसिएका राजवादीहरूले राजतन्त्र फर्काउने आन्दोलन गर्दै आइरहेका छन्। तर शनिबार काठमाडौंमा प्रदर्शन भइरहँदा पूर्वराजा भने गोरखा भ्रमणमा छन्।

बिएल संवाददाता

बिएल संवाददाता - काठमाडौं

गोरखा पुगेर ज्ञानेन्द्रले भने- कोही पनि डराउनु पर्दैन

गोरखनाथ मन्दिरमा करिब दुई घण्टा पुजापाठ गरेर फर्किएका राजालाई समर्थकले भव्य स्वागत गर्दै नारावाजी गरेका थिए। यसैक्रममा ज्ञानेन्द्रले एभिन्युज टेलिभिजनसँग छोटो कुराकानी गर्दै ‘कोही पनि केही गर्नलाई डराउनु नपर्ने’ भन्दै देशको शान्तिको कामना गरेका छन्। उनले भनेका छन्, ‘अहिले देशमा शान्ति चाहिएको छ, कसैले  कसैको पनि कुभोलो नचिताओस्,भलो चिताओस्, केही खराब नचिताओस् भन्ने मेरो कामना  छ। कोही पनि केही गर्नलाई पनि डराउनु पर्दैन, देशको शान्ति कायमै होस्, देशमा विकास होस् र सबैलाई सुख र समृद्धि होस्।’

बिएल संवाददाता

बिएल संवाददाता - गोरखा

रेशम भन्छन्- जनताले सीके राउत र मजस्तो उदारवादी नेता खोजेका छन्

उनले सुँगुरको मासु खानको लागि खस, आर्य र थारुको वर्गीय विभाजन हुनु नहुने साथै देशको संविधानले अधिकार प्राप्तीका लागि पनि खस, आर्य र थारुको अधिकार फरक-फरक हुन नहुने बताए। उनले चुनावमा जिते-नजिते पनि आफ्नो प्रतिवद्धता थारु समुदायसँग रहेको बताए। उनले भने, ‘म चुनावमा जितौंला, नजितौंला तर मेरो प्रतिवद्धता थारु समुदायसँग छ। यात्रामा साथी गुमाउन चाहँदैनौं। यात्रामा हातेमालो गर्न चाहन्छौं। मान्छेले धेरै कुरा गर्छन्। सुँगुरको मासु खानको लागि खस, आर्य र थारुको वर्गीय विभाजन हुनु हुँदैन। संविधानमा प्रत्येकको अधिकार प्राप्तीका लागि पनि खस, आर्य र थारुको अधिकार फरक फरक हुनुहुँदैन।’

बिएल संवाददाता

बिएल संवाददाता - घोक्सिला

पानीबिनाको जीवन एकछिन पनि कल्पना गर्न सकिन्नः उर्जामन्त्री खड्का

‘प्रथम राष्ट्रिय पानी सम्मेलन’मा बोल्दै मन्त्री खड्काले पानीको सही सदुपयोग र सही उपयोग गर्नसके दैनिक जिवनमा मात्र नभइ मुलुकको आर्थिक समृद्धिमा समेत टेवा पुग्ने बताए। उनले भने, ‘पानीबिना जिवन एकछिन कल्पना गर्न पनि हामीलाई गाह्रो छ। सबैभन्दा बढी पानी अर्थात जलस्रोत भएको मुलुक मध्येको एक नेपाल पनि हो भनेर यसको उपयोग गर्दैगर्दा हामी महशुस गर्न सक्छौं। यसरी तुलनात्मक ढंगले यसलाई हेरेर यसको संरक्षणमा लाग्नु आजको आवश्यकता हो। दैनिक जिवनमा मात्रै होइन मुलुकको आर्थिक समृद्धिका लागि पनि जलस्रोत अत्यन्तै उपयोगी छ। खासगरी नेपालका लागि क्रान्तिकारी आर्थिक समृद्धिको लागि पानीको उपयोग गरेर समृद्ध बनाउने, रोजगारी सिर्जना गर्ने, लक्ष्य लिएर मुलुक अगाडि बढिरहेको छ।’

बिएल संवाददाता

बिएल संवाददाता - काठमाडौं

ट्रेन्डिङ