डाईपोर्ट परवानीपुर सडकखण्ड अन्तरगत सडक विस्तार भइरहेको कल्भर्टमा मोटरसाइकल ठोक्किँदा बुधबार एक जनाको मृत्यु भएको छ । मृत्यु हुनेमा जितपुर सिमरा उपमहानगरपालिकाका ३८ वर्षय राजकुमार विक रहेका छन् ।
विकले चलाएको ना ४४प ९९६५ नम्बरको मोटरसाइकल आफै अनियन्त्रित भई ठोक्किएको वडा प्रहरी कार्यलय श्रीपुरले जनाएको छ । घाइते भएका विकको वीरगंजको तराई हस्पिटलमा उपचारको क्रममा मृत्यु भएको प्रहरी निरिक्षक चक्र मल्ल बताए।
मृतक विकको शव पोष्टर्माटमको लागी नारायणी अस्पतालमा लगिने तयारी भइरहेको प्रहरी निरिक्षक मल्ल बताए ।
