प्रहरीको पोशाक प्रयोग गर्दा अब अनुमति लिनुपर्ने भएको छ। चलिचित्र, टेलिचलचित्र, सांगितिक भिडियो, टिकटक, फेसबुक, स्टेज कार्यक्रम आदिमा प्रहरी पोशाक प्रयोग गर्न अनुमति लिनुपर्ने भएको हो। 

प्रहरीको पोशाक लगाए प्रहरीकाे सांगठनिक मर्यादाविपरीतका अपशब्द बोलेको, प्रहरीले गरेका कामलाई अपव्याख्या गरेको र विभिन्न सुरक्षा चुनौति बढेको भन्दै प्रहरीको पोशाक प्रयोगमा कडाइ गरिएको छ। 

नेपाल प्रहरीका प्रधान कार्यालय काठमाडौंका प्रवक्ता तथा प्रहरी नायव महानिरीक्षक कुबेर कडायतले विज्ञप्ति जारी गर्दै अब प्रहरीको पोशाक प्रयोग गर्नुअघि अनुमति लिन सबैलाई आग्रह गरेका छन्। 

पोशाक प्रयोग गर्दा कुन प्रयोगजन र कथाबस्तुको स्क्रिप्टसमेत खुलाएर प्रहरीबाट स्वीकृत लिनुपर्ने छ। प्रहरीको अनुमतिविना पोशाक प्रयोग गरेमा कानुन बमोजिम कार्वाही गरिनेसमेत कडायतले जारी गरेको विज्ञप्तिमा उल्लेख छ।