एजेन्सी। प्रि-सिजन टुर अन्तर्गतको इमिरेट्स कपमा आर्सनल फ्रेन्च क्लब लियोनसँग पराजित भएको छ।

आइतबार साँझ भएको खेलमा लियोनले आर्सनललाई २-१ गोल अन्तरले हराएको हो।

घरेलु मैदानमा सुरुवाती अग्रता जोगाउन नसक्दा आर्सनलले हार व्यहोरेको हो।

खेलको ३५ औं मिनेटमा पिएरे एम्रिक आबुमियाङको गोलबाट सुरूवाती अग्रता लिएको आर्सनलले पहिलो हाफसम्म अग्रता कायमै राख्यो। तर, दोस्रो हाफमा उत्कृष्ट खेल प्रदर्शन गरेको लियोनले दुई गोल गर्दै खेलमा फर्किएको थियो।

खेलको ६६ औं मिनेटमा मौसा डेम्बेलेले गोल गर्दै लियोनलाई बराबरीमा ल्याए। त्यसपछि खेलको ७५ औं मिनेटमा डेम्बेलेले व्यक्तिगत दोस्रो गोल गर्दै लियोनलाई २-१ को जित दिलाएका थिए।