पर्यटन व्यवसायी प्रेम घलेको ४८ वर्षको उमेरमा निधन भएको छ। उनको उपचारको क्रममा हेम्स अस्पतालमा निधन भएको हो।

ब्लड क्यान्सर पीडित घले केही महिनादेखि अस्पतालमा उपचाररत थिए। घलेको पार्थिव शरिर श्रद्धाञ्जलीका लागि उनको निवासमा राखिएको छ । उनको  दाहसंस्कार गुरुङ संस्कारअनुसार सोमबार गरिने पारिवारिक स्रोतले जनाएको छ।

घले सक्सेस ट्राभल्सका संचालक हुन। उनले ट्राभल्ससँगै अन्य व्यवसाय पनि संचालन गर्दै आएका थिए।

नेपालमा गुणस्तरीय पर्यटक भित्र्याउनका लागि उनको महत्वपूर्ण योगदान रहेको पर्यटन व्यवसायीहरूको भनाइ छ। घलेको निधनसँगै नेपालले एक सफल युवा पर्यटन व्यवसायी गुमाएको छ।

उनको निधनमा विभिन्न ट्राभल्ससँग सम्बन्धित संघसंस्था र पर्यटन व्यावसायीहरूले दुःख व्यक्त गरेका छन।