नेकपा (माओवादी केन्द्र)को केन्द्रीय समितिको चौंथो पूर्ण बैठकको चौंथो दिनको छलफल सुरु भएको छ।
कमलादीस्थित नेपाल प्रज्ञा–प्रतिष्ठानमा जारी बैठकमा पार्टी अध्यक्ष एवं प्रधानमन्त्री पुष्पकमल दाहाल ‘प्रचण्ड’ले पेस गरेकाे ‘वर्तमान परिस्थिति र पार्टीका प्रमुख कार्यभारहरू’ शीर्षकको राजनीतिक एवं सङ्गठनात्मक प्रस्तावमाथि केन्द्रीय सदस्यले धारणा राखिरहेका छन्।
बुधबारदेखि सुरु भएको बैठकमा शुक्रबारसम्म १ सय ४२ ले उक्त प्रस्तावमा आधारित रहेर धारणा राखेका छन्। शुक्रबार ६८ केन्द्रीय सदस्यले धारणा राखेका थिए।
प्रत्येक केन्द्रीय सदस्यका लागि पाँच मिनेटको समय निर्धारण गरिएको छ। बैठकमा ३ सय ८७ पूर्ण र एक सय ९६ वैकल्पिक केन्द्रीय सदस्यका साथै अनुशासन, लेखा र निर्वाचन आयोगका ४१ सदस्य, सात भौगोलिक र तीन गैरभौगोलिक गरी १० प्रदेशका ९० पदाधिकारीको सहभागिता रहेको छ।
