जुम्लाकाे गुठीचाैर गाउँपालिकाकी उपाध्यक्षले अध्यक्षमाथि हातपात गरेकी छन्।
बजेटमा मनपरि गरेकाे भन्दै उपाध्यक्ष शान्ति कुमारी मल्लले अध्यक्ष दान बहादुर बुढालाई हातपात गरेकाे अध्यक्ष बुढाले बताएका छन्।
'ममाथि कार्यकक्षमै उपाध्यक्षले हातपात गर्नुभयाे,' उनले भने, 'मैले मुद्दा ल्याएर आएकाे छु। प्रहरीले दर्ता गर्छु भनेकाे छ।'
गुठीचाैरमा भएकाे घटनाकाे विषयमा जाहेरी आएकाे जुम्लाका डीएसपी प्रल्लाहद कार्कीले बताएका छन्।
'जाहेरी आएकाे छ। आज अफिस टाइम सकिएकाे हुनाले दर्ता हुन सकेन,' उनले, 'भाेली दर्ता हुन्छ।'
