प्रतिबन्धित अनलाइन बेटिङ एप ‘वान एक्स बेट’मा काराेबार तथा विज्ञापन गरेकाे आराेपमा आधा दर्जन बढी कलाकार र युट्युबर पक्राउ गरेका छन्। काठमाडौँ उपत्यका अपराध अनुसन्धान कार्यालयबाट खटिएको टोलीले उनीहरुलाई पक्राउ गरेकाे हाे।
पक्राउ पर्नेहरुमा हाँस्यकलाकार राजु पाैडेल (राजु मास्टर), मरिचमान श्रेष्ठ (बल्छी ध्रुबे), पवन खतिवडा (म्याकुरी), बेगम नेपाली (भटभटे), एलिश राई, गणेश देवकोटा (जीडी), जालन घर्ती मगर र सरोज घिमिरे (ढेडु बुडो) रहेका छन्। उनीहरुले वान एक्सबाट जुवा/तास खेलाएकाे तथा त्यस्ता एपहरुकाे प्रवर्धन गरेकाे प्रहरीकाे आराेप छ।
उनीहरुले नेपालमा प्रतिबन्धित अनलाइन जुवा प्रवर्धनकाे लागि युट्युबमा भिडियाे क्लिपहरु बनाएर अपलाेड गरेका थिए। उनीहरुलाई पक्राउ गरेकाे काठमाडौँ उपत्यका अपराध अनुसन्धान कार्यालय प्रमुख एसएसपी मनाेज केसीले पुष्टि गरे।
