नेकपा (एमाले)को सचिवालय बैठक आज बस्दै छ।
ललितपुरको च्यासलस्थित पार्टी केन्द्रीय कार्यालयमा बिहान ११ बजे बस्ने बैठकमा पछिल्लो राजनीतिक घटनाक्रम र राष्ट्रपति निर्वाचन लगायतका बिषयमा छलफल हुने केन्द्रीय कार्यालयका सचिव डा. भीष्म अधिकारीले जानकारी दिएका छन्।
प्रधानमन्त्री प्रचण्डले नैतिक मूल्य, मान्यता र सहमति लत्याउँदै हिँडेकाे भन्दै एमाले आजै सरकारबाट बाहिरिने तयारीमा छ।
एमालेले उपाध्यक्ष सुवास नेम्वाङलाई राष्ट्रपति पदको उम्मेदवार बनाएको छ। राष्ट्रपतिको निर्वाचन यही फागुन २५ गते हुँदैछ।