हिका गाउँपालिकाका अध्यक्ष लक्ष्मण बहादुर शाहीले पदभार सम्हाल्दै गर्दा गरेकाे घाेषाणामध्ये एक हाे नागरिककाे स्वास्थ्यमा स्थानीय सरकार जिम्मेवार हुनेछ।

साेहीअनुसार सम्पूर्ण नागरिककाे नि:शुल्क स्वास्थ्य बिमाकाे घाेषणा गरेका शाहीले हरेक तीन महिनामा नि:शुल्क स्वास्थ्य शिविर र हरेक महिना आँखा शिविर सञ्चालन गरिरहेका छन्।

यसपालि कादुरी एग्रिकल्चरल एण्ड एसोसिएसन ब्रिटिस गोर्खाज नेपाल कास्कीको आर्थिक र प्राविधिक सहयोग गर्‍यो। शिविर हिमा गाउँपालिका १ बड्कीस्थित कालिका माविमा तीन दिनसम्म सञ्चालन भयाे।

उक्त स्वास्थ्य शिविरबाट हिमासहित जुम्लाका अन्य पालिका र कालिकोटका गरी एक हजार ५ सय ६६ जना लाभान्वित भएका छन्।

जम्मा १५ सय ६६ जनामध्ये १२ सय ३५ जना महिला र ३ सय ३१ जना पुरुषले सेवा लिएको कालिका माविका लेखापाल धनराज शाहीले जानकारी दिए। उनका अनुसार ७ सय ३७ जना महिलाले ओपिडी सेवा लिएका छन्।

४ सय ५१ जना महिलाले स्त्रीरोगसम्बन्धी विशेषज्ञबाट उपचार गराउँदा ८ सय २८ जनाले महिला पुरुषले आँखाको उपचार गराएका छन्।

३५ जनाको आँखाको शल्यक्रिया गरिएको छ भने तीन सय ६३ जना महिला पुरुषले दाँतसम्बन्धी रोगकाे उपचार गराएका छन्।

सिंजा, कनकासुन्दरी, पातारासी र तिला तथा कालिकोटका तिलागुफा, पँलाता र महाबै गाउँपालिकाबाट गरी तीन सय जना नागरिकले लाभा लिएकाे तीन दिनसम्म स्वयंसेवककाे रुपमा खटिएका शिक्षक जंगबहादुर शाहीले बताए।

'हामीले शिविर राम्राे भयाे भन्ने मानेका छाैं। उपचार र औषधि सेवनपछि बिरामीको प्रतिक्रिया लिँदा सन्चाे भया भन्ने आएकाे छ,' उनले भने, 'हिमाले जनताको स्वास्थ्यलाई उच्चा प्राथमिकतामा राख्दा जिल्लाका अन्य पालिका र जिल्ला बाहिरका नागरिकले समेत स्वास्थ लाभ लिन पाएका छन्।'

शिविरमा उपचार गराउन आएका सबैलाई पालिकाकै सहयोगमा खानाको व्यवस्था गरिएको पालिका अध्यक्ष शाहीले बताए।

'पालिकाका विपन्न नागरिकको राहत र स्वास्थ्य सेवामा पहुँच वृद्धिका लागि गाउँमै शिविर सञ्चालन गरिहेका छाैं,' उनले भने, 'हामीलाई हरेक नागरिककाे स्वास्थ्यकाे चिन्ता छ। उपचार नपाएर काेही मर्नु नपाराेस्।'

हिमाका ७ वटै वडाका नागरिकले शिविरबाट राहत महसुस गरेको प्रमुख प्रकाशकीय अधिकृत रण बहादुर बुढाले बताए।

उनले भने, 'स्वास्थ्य चेकजाँच तथा उपचारपछि १५ सय ६६ जनालाई आवश्यक औषधि वितरण गरिएको थियाे।'