लमजुङका नागरिकले ई–पासपोर्ट (विद्युतीय राहदानी) सेवा पाउन थालेका छन्।

जिल्ला प्रशासन कार्यालय लमजुङबाट विद्युतीय राहदानीको सेवा सुरु भएसँगै नागरिकले सेवा पाएका हुन् कार्यालयले बिहीबारबाट विद्युतीय राहदानी सेवा सुरुवात गरेको हो।

निमित्त प्रमुख जिल्ला अधिकारी भूमिश्वर पोखरेलले पहिलो सेवाग्राही बेंसीशहर नगरपालिका-६ का संसर रिमाललाई ३४ पेजको विद्युतीय राहदानी प्रदान गरेर सेवाको सुरु गरेका हुन्। प्रशासन कार्यालयमा हाल ९१ जनाको विद्युतीय राहदानी आइसकेको र बिहीबारबाट वितरण थालिएको हो।

प्रशासन कार्यालयको सिफारिसमा राहदानी विभागमै गएर पनि राहदानी लिन सकिने छ। राहदानीका लागि अनलाइनमार्फत फाराम भरेकाहरूले राहदानी लिन सकिने व्यवस्था रहेको छ पोखरेलका अनुसार विद्युतीय राहदानीका लागि सुरुमा मोइबाइल वा कम्प्युटरबाट अनलाइन फाराम भर्नुपर्छ।

साइबरमा गएर वा व्यक्ति आफैँले पनि फारम भर्न सक्नेछन् फाराम भर्दा राष्ट्रिय परिचय पत्रमा उल्लेख भएको नम्बर अनिवार्य गरिएको छ ई–पासपोर्टका लागि अनलाइन फारम भर्नुअघि राष्ट्रिय परिचयपत्र बनाउनुपर्ने उनले बताए।

अनलाइनमा सम्पूर्ण विवरण भरिसकेपछि फोटो खिच्न भने प्रशासन कार्यालय आउनुपर्ने पोखरेलले बताए राहदानी लिनका लागि जिल्ला प्रशासन कार्यालय आफैँले कर्मचारी खटाएर विभागमा जानुपर्ने बाध्यता थियो राहदानी विभागले हुलाक विभागसँग सम्झौता गरेकाले जिल्लामै राहदानी आइपुग्ने प्रशासनले जनाएको छ ३४ पेजको विद्युतीय राहदानी जिल्लाबाटै लिन ५ हजार रुपियाँ लाग्छ विभागबाट लिन दोब्बर दस्तुर अर्थात १० हजार रुपैयाँ लाग्छ हराएको लिन थप ५ हजार तिर्नुपर्ने छ ६४ पेजका लागि विभागमा जानुपर्ने र २० हजारमा विद्युतीय राहदानी बन्ने विभागले जनाएको छ।

छिटोछिटो विदेश आउजाउ गर्नुपर्नेले ६४ पेजको ई–पासपोर्ट लिन सक्ने प्रशासनले जनाएको छ प्रशासन कार्यालयका प्रशासकीय अधिकृत जगदीश मिश्रका अनुसार अनलाइन फाराम भरेपछि कार्यालयमा फोटो खिच्न जाने मिति तोक्ने गर्छ।

फारम प्रिन्ट गरेर प्रशासन कार्यालय जाने र फोटो खिच्ने कार्य हुन्छ बायोमेट्रिक फाराम तयार भएपछि प्रमाणित गरी स्क्यान गरी राहदानी विभागमा पठाउने गरिन्छ फाराम भरेर आएका १० देखि १५ जनालाई दैनिक सेवा प्रदान गर्न सकिने जनाएको छ प्रशासनले विभागमा पठाएको १५ दिनभित्र राहदानी जिल्ला आइपुग्ने उनले बताए यसअघि राहदानीका लागि १ महिनासम्म कुनुपर्ने अवस्था थियो।