झापाको भद्रपुर नगरपालिका १ लाहुरे चाेकका ३४ वर्षीय अमर बहादुर तामाङले ‘भ्यालेन्टाइन डे’ कै दिन चक्कु प्रहार गरी आफ्नै श्रीमतीको हत्या गरेका छन्।
आज बिहान साढे ५ बजे तामाङले मोबाइल बिगारेको विषयमा ३४ वर्षीय अनिता लिम्बुलाई घाँटी तथा शरीरमा चक्कु प्रहार गरी आफ्नै घरमा हत्या गरेका थिए।
चक्कु प्रहार गर्ने तामाङ सीमा प्रहरी चौकी पृथ्वी नगरले नियन्त्रणमा लिएर थप अनुसन्धानको लागि जिल्ला प्रहरी कार्यालय झापामा लगिएको छ।
मृतकको आवश्यक कानूनी प्रक्रिया पुरा गरी पोस्टमार्टमको लागी मेची अस्पताल लगिएको जिल्ला प्रहरी कार्यालय झापाले जनाएको छ।
.JPG)
