नेपाली कांग्रेसका नवनिर्वाचित महामन्त्री विश्वप्रकाश शर्माले महामन्त्रीका अर्का निर्वाचित नेता गगन थापाले र आफूले देशको अपेक्षा अनुसार जोडी बाँधेर काम गर्ने बताएका छन्। बिहीबार महामन्त्रीमा निर्वाचित भएपछि सानेपास्थित पार्टी कार्यालयमा पत्रकारहरुसँगको कुराकानीमा उनले सोही कुरा बताएका हुन्।

‘महामन्त्री पदमा दुई वटा युवालाई निर्वाचित गरेर देशले जे आकांक्ष प्रकट गरेको छ। त्यो आकांक्षा बमोजिम हामी दुई युवा गंगन थापा र म विजयी हुँदै गर्दा देशले एउटा जोडी बाँधेर यिनीहरुले काम गरुँन भन्ने जुन अपेक्षा राखेको छ’, शर्माले भने,‘त्यो अपेक्षालाई पूरा गर्ने ढंगले हामी काम गछौँ।’

यसअघि उनले भने,‘विजयीपछि गौरवान्दित र गम्भीर भएको यो घडीमा मैले सहिदहरुलाई सम्झिएर सपद लिनुपर्छ कि नेपाली कांग्रेस जसरी चलेको थियो त्यसरी चल्दैन्। अबको नविन यात्रा प्रारम्भ गर्दै गर्दा त्यो कांग्रेस आधुनिक बन्नेछ।’

उनले आफूलाई मतदान गरेर विजयी गराउने पार्टीका प्रतिनिधिलाई धन्यवाद समेत व्यत गरेका छन्। ‘यो व्यक्तिगत रुपमा विश्वप्रकाशलाई वा गुटलाई जिताउनु भएको होइन्। यो नेपाली कांग्रेस पार्टीलाई आजका मुद्दाहरुलाई जीवन्त बुझ्न सक्ने बनाएर नेपाली समाजको नवीन ढंगले नेतृत्व गर्ने पार्टी कांग्रेस पार्टी बनाउने उहाँहरुको आकांक्षाको जित हो,’ उनले भने।