यही मंसिर १६ गते हुन थालेकाे स्थानीय तहकाे उपनिर्वाचनमा नेकपा माओवादी केन्द्रले खाता खोलेको छ। निर्वाचन नहुँदै माओवादीले रुकुम पूर्वबाट खाता खोलेकाे हाे।
रुकुम पूर्वकाे पुथाउत्तरगङ्गा गाउँपालिका-२ मा माओवादीका उम्मेदवार जगत घर्ती निर्विरोध निर्वाचित भएका छन्। वडाध्यक्षका लागि माओवादीबाट घर्तीसँगै एमाले–काँग्रेस गठबन्धनबाट जीवन राेका र स्वतन्त्र उम्मेदवार शुक्रराज विकले उम्मेदवारी दिएका थिए।
रोका र विकले उम्मेदवारी फिर्ता लिएपछि घर्ती निर्विराेध निर्वाचित भएको नेकपा माओवादी केन्द्रका केन्द्रीय सदस्य एवं प्रतिनिधिसभा सदस्य पूर्णबहादुर घर्तीले जानकारी दिए।
घर्ती निर्वाचित भएसँगै माओवादीले उत्सव मनाइरहेको छ।
