नेपाली कांग्रेसकाे १४ औं महाधिवेशन अन्तर्गत मतदानका लागि उम्मेदवारको अन्तिम नामावली प्रकाशन गरिएको छ।

निर्वाचन समितिले सोमबार हुने मतदानका लागि पदाधिकारी र केन्द्रीय सदस्य पदका उम्मेदवारको नामावली प्रकाशन गरेको हो।

जस अनुसार सभापतिमा ५, दुई जना उपसभापतिका लागि ७, दुई जना महामन्त्रीका लागि ६ र ८ जना सहमहामन्त्रीका लागि १९ जनाको उम्मेदवारी परेको छ।

नयाँ केन्द्रीय समितिको पदाधिकारी र केन्द्रीय सदस्य गरी १३४ पदमा ५ सय ४८ जनाको उम्मेदवारी परेको थियो। तीमध्ये ५७ जनाले आफ्नो उम्मेदवारी फिर्ता लिएका छन्।