प्रतिनिधिसभाको संसदीय सुनुवाइ विशेष समितिले अमेरिका, बेलायत र भारतका लागि प्रस्तावित राजदूतको नाम सर्वसम्मत अनुमोदन गरेको छ।

सरकारले श्रीधर खत्रीलाई अमेरिका, ज्ञानचन्द्र आचार्यलाई बेलायत र डा. शंकर शर्मालाई भारतका लागि नेपाली राजदूतमा प्रस्ताव गरेको थियो।

सोमबार संसदीय सुनुवाइ गरेर समितिले नाम अनुमोदन गरेको हो। सुनुवाइका क्रममा सांसदहरूले प्रस्तावित राजदूतमाथि प्रश्न उठाएका थिए।

संसदीय समितिले अनुमोदन गरेपछि अब राष्ट्रपति विद्यादेवी भण्डारीले अनुमोदित राजदूतहरुको नियुक्ति गर्ने कानुनी व्यवस्था छ।