काठमाडौं उपत्यकामा जारी निषेधाज्ञा थप १० दिन लम्ब्याउने तयारी तयारी गरिएको छ।
मंगलबार बसेको काठमाडौं, भक्तपुर र ललितपुरका प्रमुख जिल्ला अधिकारीको बैठकले सीमित क्षेत्र खुकुलो बनाएर १० दिन निषेधाज्ञा थप्ने तयारी गरेको हो।
अघिल्लो साता बन्द गरिएका खाद्यान्न र किराना पसललाई खोल्न दिने बारे छलफल भएको प्रमुख जिल्ला अधिकारी कालीप्रसाद पराजुलीले जानकारी दिए। यो विषय अब भोलि निर्णय गरिने उनले बताए ।
काठमाडौं उपत्यकामा कोरोना संक्रमणदर बढेपिछ वैशाख १६ गतेदेखि निषेधाज्ञा जारी गरिएको छ। पछिल्लोपटक थप गरेको निषेधाज्ञाको समय जेठ २० गते राति १२ बजे सकिँदैछ।
.jpg)
