जिल्ला अदालत कास्कीले सहकारीको रकम अपचलन गरेर फरार रहेका गितेन्द्रबाबु राई (जिबी)को पासपोर्ट रद्द गर्न आदेश दिएको छ।
शुक्रबार न्यायाधीश हिमलाल बेलबासेको एकल इजलासले जिबीको पासपोर्ट रद्द गर्नलाई आदेश दिएको स्रेस्तेदार राजन खनालले जानकारी दिए।
जिबी हाल कहाँ छन् भन्नेसमेत प्रहरीलाई थाहा छैन। उनी पछिल्लो समय मलेसियामा रहेको सरकारी अधिकारीले नै भनेका थिए।
त्यसपछि उनलाई पक्राउ गरेर नेपाल ल्याउने तयारी भइरहेको भनिएपनि प्रहरीले पक्राउ गर्न सकेको छैन।
जिबीले पोखराको सूर्यदर्शन, बुटवलको सुप्रिम, काठमाडौँको स्वर्णलक्ष्मीलगायतको कराेडौँ रकम अपचलन गरेको मुद्धा लागेको छ।
.jpg)
