राष्ट्रिय सभा सदस्यमा उप–निर्वाचित विजयी डा. खिमलाल देवकोटालाई गृहमन्त्री रामबहादुर थापा ‘बादल’ले बधाई दिएका छन्।
गृहमन्त्री बादलले देवकोटालाई सामाजिक सञ्जालमार्फत् आफूलाई मतदान गर्ने बागमती प्रदेश सभाका सदस्यहरू, महानगरपालिका, उप–नगरपालिका, नगरपालिका र गाउँपालिकाका प्रमुख तथा उप–प्रमुखलाई धन्यवाद समेत व्यक्त गरेका हुन्।
उनले फेसबुकमा लेखेका छन्, 'आजको राष्ट्रिय सभा उपनिर्वाचनमा मलाई मतदान गर्नुहुने तथा सहभागी हुनुभएका बागमती प्रदेश सभाका माननीय सदस्यहरु, महानगरपालिका/उपमहानगरपालिका/नगरपालिकाका मेयर, उपमेयर, गाउँपालिकाका अध्यक्ष, उपाध्यक्ष सबैमा हार्दिक आभार तथा धन्यवाद । विजयी उम्मेदवार डा. खिमलाल देवकोटालाई बधाई।'
स्वतन्त्र उम्मेदवार देवकोटाले प्रदेशमा ५८ र स्थानीय तहमा १२८ मत प्राप्त गरी विजयी भएका हुन्। उनले कुल मतभार ५ हजार ८८ प्राप्त गरे। बादलले भने प्रदेश सभाबाट ४५, स्थानीय तहबाट १०३ मत र कुल मतभार ४ हजार ४१ प्राप्त गरेका थिए।
