नेकपा संसदीय दलकी सचेतक शान्ता चौधरीले सभामुख अग्नि सापकोटालाई सार्वजनिक रुपमै आलोचना गरेकी छिन् ।
नेकपा अध्यक्ष प्रचण्डको असन्तुष्टिपछि सभामुख संवैधानिक परिषद् बैठकमा नगएकोमा उनले विरोध गरेकी हुन् ।
सामाजिक सञ्जाल फेसबुकमा स्ट्याटस लेख्दै उनले सभामुख सापकोटाले संसदीय व्यवस्थालाई आत्मसात गर्न नसकेको आरोप लगाएकी हुन् ।
उनले भनेकी छिन्, ‘संसदीय व्यवस्था नमान्ने हो भने यो सिस्टम स्वीकार्न नै हुँदैनथ्यो, यो व्यवस्थामा आउन पनि हुँदैनथ्यो र सभामुख बन्न पनि हुँदैनथ्यो, होइन भने प्रधानमन्त्रीले बोलाएको बैठकमा सभामुख जानै पर्थ्यो , नगएर गल्ती गर्नु भयो । प्रधानमन्त्री त जो पनि हुन सक्ला तर संविधान भन्दा माथि रहि नियम र प्रक्रिया विपरीत सभामुख चल्न मिल्दैन ।’
.jpg)
