माल्दिभ्समा पनि कोभिड १९ का संक्रमितहरुको संख्या दिनप्रतिदिन बढ्दै गएको छ।
माल्दिभ्समा संक्रमितहरुको संख्या छ हजार नाघेको छ। दक्षिण एसियाको सानो देश मालदिभ्समा पनि पछिल्लो समयमा कोभिड १९ का संक्रमितहरु बढेका हुन्।
सो समाचारअनुसार यहाँ कोरोना संक्रमणबाट मारिने व्यक्तिको संख्या २४ पुगेको छ। यहाँका स्थानीय मिडियाले बुधबार सो समाचार दिएका छन्। माल्दिभ्सको स्वास्थ्य सुरक्षा निकायका अनुसार मंगलबार मात्र १७० जनामा संक्रमण भएको पाइएको थियो।
स्वास्थ्य अधिकारीहरुले दिएको समाचारमा बुधबार मात्र यहाँ संक्रमण हुने व्यक्तिको संख्या ६ हजार ७९ पुगेको छ। यहाँका संक्रमितमध्ये ३ हजार ४८८ जना संक्रमितहरु निको भएर घर फर्किएका छन्। अहिले पनि २ हजार ४०१ जना भने संक्रमित नै रहेका र उपचार गराइरहेका छन्।
