महानगरीय प्रहरी बृत्त दरबारमार्गका प्रहरी जवान प्रसन्न श्रेष्ठको कोठाबाट एक किलो सुन बरामद भएको छ।

महानगरीय प्रहरी कार्यालय रानीपोखरीका अनुसार बागबजारस्थित श्रेष्ठको कोठाबाट शुक्रबार मध्यान्ह एक किलो सुन बरामद भएको हो।

प्रहरी जवान श्रेष्ठ दरबारमार्ग बृत्तमा घुमुवा प्रहरीको रुपमा कार्यरत थिए।

महानगरीय प्रहरी रानीपोखरीका एक अधिकृतले ती जवान एक किलो सुनसहित पक्राउ परेको पुष्टि गरे।

केही दिन अघि बरामद भएकाे १५ किलाे नक्कली सुन कान्डमा श्रेष्ठको शंकास्पद भूमिका देखिएपछि महानगरीय प्रहरी परिसर काठमाडौंको टोली उनको कोठामा पुगेका थिए। ।

श्रेष्ठलाई प्रहरीले दुई दिन अघि नै नियन्त्रणमा लिएकाे थियाे।