प्रचण्डको सूचीले भाँडभैलो भएपछि नेताहरूले भन्न थाले– कुनै निर्णय भएकाे छैन्, भ्रममा नपाराैँ

बिएल संवाददाता

काठमाडौं

• • •

नेकपा (माओवादी केन्द्र) का केन्द्रीय सदस्य रामप्रसाद सापकाेट (दीपशिखा)ले पाेलिटब्यूराेबारे केन्द्रीय समितिमा कुनै निर्णय नभएकाे बताएका छन्।

नेता सापकाेटाले पाेलिटब्यूराे गठन भएकाे केही समयमै सामाजिक सञ्जालमार्फत यस्ताे बताएका हुन्।

‘पार्टीको जारी बैठकमा केही प्रस्तावहरूमाथि छलफल जारी छ। पोलिटब्यूराेलगायत निर्णय भएको छैन। मिडिया भ्रममा नपरौं,’ नेता सापकाेटाले लेखेका छन्।

यसअघि काठमाडाैँकाे कमलादीस्थित प्रज्ञा प्रतिष्ठानमा जारी बैठकले १ सय २५ सदस्यीय पोलिटब्यूराे गठन भएकाे जानकारी दिएकाे थियाे। अध्यक्ष पुष्पकमल दाहाल ‘प्रचण्ड’ले प्रस्तावित सदस्यहरूकाे नामावली नेताहरुले असन्तुष्टि जनाएपछि छलफलका लागि बैठक स्थगित गरिएको छ।

• • •