जिल्ला प्रहरी कार्यालय बाँकेले ठूलो परिणामको लागूऔषध कोरेक्ससहित दुई जनालाई पक्राउ गरेको छ। 

बुधबार राति पौने एक बजेतिर भारतबाट लुकिछिपि ल्याउदै गरेको कोरेक्ससहित डुडुवाका दुई जनालाई पक्राउ गरेको हो। 

बाँके प्रहरीका अनुसार पक्राउ पर्नेमा डुडुवा गाउँपालिका १ का ३० वर्षीय आशिष अहिर र सोही ठेगानाका २७ वर्षीय राजकुमार यादव रहेका छन्। 

उनीहरूको साथबाट  साथबाट ६५ सीसी कोरेक्स बरामद गरेको एसपी ओमबहादुर रानाले जानकारी दिए। पक्राउ परेका दुबैलाई जिल्ला प्रहरी कार्यालयमा राखी आवश्यक अनुसन्धान भइरहेको छ।