नेत्रविक्रम चन्द विप्लव नेतृत्वको नेपाल कम्युनिष्ट पार्टीका ललितपुर महानगर इन्चार्जसहित दुई जना पक्राउ परेका छन्।

महानगरीय प्रहरी परिसर ललितपुरको टोलीले मंगलवार ललितपुर महानगरपालिका वडा नम्बर १६ सोठ मन्दिर नजिकबाट पक्राउ गरेको हो।

उनले नेवाः समुदायलाई उक्साउने किसिमको प्रेस विज्ञप्ति प्रकाशित गरी एक आपसमा सद्भाव कायम गरी बसेका विभिन्न जातजाति एवं सम्प्रदायबीचको सम्बन्धलाई खलल पार्ने किसिमले उक्साउने, नभए नगरेको कुराहरुको अफवाह फैलाउने, प्रचार प्रसार गरेको आरोपमा नियन्त्रणमा लिएको ललितपुर परिसरका एसपी तुलबहादुर कार्कीले जानकारी दिए।

प्रहरीले उनी विरुद्ध झुट्टा अफवाह फैलाउन नहुने कसुर म्याद थप गरी अनुसन्धान भइरहेको जानकारी दिएको छ। त्यस्तै  विप्लव समूहका पार्टी सदस्य ऐन बहादुर शाहीलाई पनि पक्राउ गरेको छ।