काठमाडौं ४, सुकेधारमा दुई  मोटरसाइकल र पानी बोकेको ट्यांकर एकआपसमा जुध्दा एक जनाको मृत्यु भएको छ। 

हिमाल डेन्टल अगाडि भएकाे दुर्घटनामा प्रहरी प्रधान कार्यालयको प्रशासन शाखामा कार्यरत प्रहरी सहायक निरीक्षक प्रेमराज पौडेलकाे मृत्यु भएकाे हाे। 

प्रहरीका अनुसार शनिबार साँझ सुकेधाराबाट चाबाहिलतर्फ जाँदै गरेको प्रदेश नं. ३ ०२ ००३ प ४१५० नम्बरको स्कुटर र चाबहिलबाट सुकेधारातर्फ आउँदै गरेको बा७४प २८८१ नम्बरको मोटरसाइकल एकआपसमा ठोक्किएका थिए। 

लगत्तै सुकेधारातर्फ आउँदै गरेको बा १ ग २२७८ नम्बरको सेनाको ट्यांकर पनि ठोक्किएको थियो।

घटनामा सुर्खेत घर भइ महाराजगञ्ज बस्दै आएका २९ वर्षीय पौडेल गम्भीर घाइते भएका थिए। उनकाे ओम अस्पतालमा मृत्यु भएको प्रहरीले जनाएको छ।