जाजरकोटको बारेकोट गाउँपालिका-४, जिरीमा गएको पहिरोमा परि ११ जना बेपत्ता भएका छन्। पहिरोले बारेकोट-४, जिरीको सार्कीकोटका दुई घर पूर्ण रूपमा बगाएको छ भने तीन वटा घर आधा पुरिएको  प्रहरीले जानकारी दिएको छ। 

जाजरकोटका डीएसपी किशोरकुमार श्रेष्ठले घटनाको पुष्टि गर्दै प्रहरीका चार वटा एकाइबाट टोली परिचालन भएको बताए। उनका अनुसार क्षतिको यकिन विवरण आएको छैन। फोनको नेटवर्कमा समस्या हुँदा घटनास्थल पुगेको टोलीसँग सम्पर्क हुन नसकेको डीएसपी श्रेष्ठले बताए।

गाउँपालिकाका निमित्त प्रमुख प्रशासकीय अधिकृत गोविन्दबहादुर सिंहले पाहुना लाग्न पुगेकाहरू पनि पहिरोमा परेर बेपत्ता भएको खबर आएको बताएका छन्।