रौतहटमा सालको गोलिया काठसहित एक जनालाई पक्राउ गरिएको छ।

जिल्लाको गुजरा नगरपालिका ४ स्थित लालबकैया खोलाको किनाराबाट १८ क्यूफिट सोही जिल्लाको फतुवा बिजयपुर नगरपालिका ८ बस्ने ३९ वर्षीय गफुर मोहमदलाई पक्राउ गरिएको हो।

तीन वटा साइकलमा राखी ल्याउँदै गरेको अवस्थामा उक्त सालको  काठसहित मोहमदलाई एपीएफ टोली र सव डिभिजन वन कार्यालयका कर्मचारीले गरेकाे जनाइएकाे छ।

पक्राउ परेका मोहमदलाई बरामद काठ र साइकलसहित आवश्यक कारवाहीको लागि सव डिभिजन वन कार्यालय जंगलसैयामा बुझाएको छ।

एपीएफ टोलीद्वारा लागूऔषध बरामद 

यत, सर्लाही जिल्लाको गोडौटा नगरपालिका १ बहादुरपुर सीमा ईलाकाबाट एपीएफ टोलीले ५ सय ७० वटा वालरेक्स नामक लागूऔषध बरामद गरेको छ।

बेवारिसे अवस्थामा रहेको उक्त लागूऔषध सशस्त्र प्रहरी बल, नेपाल बोर्डर आउट पोष्ट बलराउधोरणबाट खटिएको एपीएफ टोलीले उक्त लागूऔषध बरामद गरेको हो।