धान रोपाइँ गरिरहेको बेला चट्याङ लागेर बारामा बिहीबार बिहान चार जना महिलाको मृत्यु भएको छ।

बाराको फेटा गाउँपालिकामा दुई तथा कलैया उपमहानगरपालिकाका २ जना महिलाको चट्याङ लागेर मृत्यु भएको जिल्ला प्रहरी कार्यालय बाराले जनाएको छ।

फेटा गाउँपालिका १ त्रिवेनीका ३० वर्षीया सिन्दु देवी र ४० वर्षीया सुनरपती देवी, कलैया उपमहानगरपालिकास्थित शितलपुरकी ४५ वर्षीया हलिमा खातुन र ३५ वर्षीया आशादेवी महतोको चट्याङ लागेर मृत्यु भएको हो।

चट्याङ लाग्दा सात जना घाइते भएका छन्। घाइते सबैको वीरगञ्जमा उपचार भइरहेको छ। घाइते एक जनाको अवस्था गम्भीर रहेको प्रहरीले जनाएको छ।