अमेरिकामा कोरोना भाइरस (काेभिड–१९) संक्रमितको संख्या २५ लाख नाघेको छ।
जोन्स हप्किन्स विश्वविद्यालयको तथ्यांक अनुसार अमेरिकामा २५ लाख ५ हजार ५ सय ९३ जनामा कोरोना संक्रमण पुष्टि भएको छ।
यस्तै अमेरिकामा कोरोना भाइरस संक्रमणबाट ज्यान गुमाउनेको संख्या १ लाख २५ हजार ४८० छ।
फ्लोरिडा राज्यमा करिब १० हजार र एरिजोनामा साढे ३ हजार नयाँ संक्रमित फेला परेका छन्।
फ्लोरिडामा शनिबार एकै दिन ९ हजार पाँच सय भन्दा बढीमा संक्रमण पुष्टि भएको छ। शुक्रबार राज्यमा झण्डै ९ हजार जनामा संक्रमण पुष्टि भएको थियो।
करिव ६ महिनादेखि फैलिएको कोरोना भाइरस संक्रमितको संख्या १ करोड ७४ हजार ६३० पुगेको छ। यस्तै विश्वभर मृत्यु हुनेको संख्या ५ लाख ६२५ पुगेको छ।
संक्रमणबाट उपचारपछि निको हुनेको संख्या ५४ लाख ५१ हजार ९८४ पुगेको छ भने ४१ लाख २१ हजारभन्दा बढीको उपचार भइरहेको छ।
