आफै अनियन्त्रित भएर पल्टिएको ट्रयाक्टरले किचेर बिहीबार बिहान मोरङको कटहरी गाउँपालिका–१ मा चालकको मृत्यु भएको छ । 

को २ त ६७३६ नम्बरको ट्रयाक्टरले किचेर चालक ग्रामथान गाउँपालिका–५ तेतरियाका २४ वर्षीय युवराज भगतको मृत्यु भएको मोरङ प्रहरीका प्रवक्ता डीएसपी मानबहादुर राईले बताए । ट्रयाक्टरले किचेर चालक भगतको घटनास्थलमै मृत्यु भएको उनको भनाइ छ । 

शव पोस्टमार्टमका लागि कोशी अस्पतालमा ल्याएर घटनाको अनुसन्धान सुरु गरिएको प्रहरीले जनाएको छ ।