सिराह,सर्लाही र सप्तरीमा पानीमा डुबेर ४ जना बालकको मृत्यु भएको छ।
जिल्ला प्रहरी कार्यालय सिराहका अनुसार सिराहको अर्नामा गाउँपालिका १ पालटोलका नन्दलालकी ५ वर्षीया छोरी साक्षी कुमारीको पोखरीमा डुबेर मृत्यु भएको छ।
सडकमा जमेको पानीको पोखरीमा डुबेर बालिकाको मृत्यु भएको प्रहरीले जनाएको छ।
त्यसैगरी सिराहकै कल्याणपुर नगरपालिका ४ महुलिया टोलका महमत मसरफ हुसेनका ३ वर्षीय छोराको पोखरीमा डुबेर मृत्यु भएको प्रहरीले जनाएको छ।
पानीमा डुबेर अचेत रहेका बालकको उपचारका लागि अस्पताल लैजादै गरेका बेला मृत्यु भएको प्रहरीले जनाएको छ।
त्यसैगरी सप्तरीको डाक्नेश्वर नगरपालिका ७ सिहीयाका बिनोद मण्डलको २ वर्षीय छोराको पनि पोखरीमा डुबेर मृत्यु भएको छ।
सर्लाहीको मंगलवा नगरपालिका १२ गमहरियाका १२ पबन महतोको पनि पानीको पोखरीमा डुबेर मृत्यु भएको जिल्ला प्रहरी कार्यालय सर्लाहीले जनाएको छ।
गत साताको अविरल वर्षापछि सडकमा जमेको पानीको पोखरीमा डुबेर उनीहरु चारैजनाको मृत्यु भएको हो।
.jpg)
