बुटवल । बुटवल-बेलहिया सडक खण्डको बिच भागमा राखिएका बुद्धमूर्ति अज्ञात समूहले तोडफोड गरेका छन्। ६ लेन सडकअन्तर्गत शंकरनगर चोकदेखि नयाँमिल खण्डमा राखिएका पाँच वटा बुद्धमूर्ति अज्ञात समूहले तोडफोड गरेको प्रहरीले जनाएको छ।

बुधबार राति मूर्तिहरु तोडफोड गरिएको अवस्थामा बिहीबार बिहान फेला परेको प्रहरीले जानकारी दिएको छ।

घटनाका बारेमा प्रहरी अनुसन्धान थालेको छ। तिलोत्तमा नगरपालिकाले सडकको सौन्दर्य बढाउन र बुद्ध जन्मस्थल लुम्बिनीको पहिचान दिन ६ लेन सडकको बीच डिभाइडरमा योगिकुटीदेखि मंगलापुरसम्म बुद्धका मूर्ति राखेको थियो।

गत वैशाख १ गते प्रदेश ५ सरकारका उद्योग, पर्यटन बन तथा बातावरण मन्त्री लिला गिरीले बुद्धमर्ती अनावरण गरेका थिए ।