काठमाडौं । प्रतिलिपी अधिकार रजिष्टारको कार्यालयले गायक शम्भू राई र प्रकाश सपूतलाई तीदिन भित्र मिल्न आग्रह गरेको छ ।
सपूतको गीत ‘गलबन्दी’ आफ्नो गीत ‘आऊ नाचौं साथी हो’सँग हुबहु मिलेको भन्दै राईले कपिराइटमा मुद्दा दर्ता गरेपछि छलफलका लागि बोलाएको रजिष्टारको कार्यालयले आपसी छलफलमा मिल्नका लागि तीन दिनको समय दिएको हो ।
“आफ्नो गीतसँग मिलेको भन्दै शम्भु राईले निवेदन दिएपछि छलफलका लागि मैले बोलाएको थिएँ,” प्रतिलिपी अधिकार रजिष्टारको कार्यालयका रजिष्टार प्रकाश आचार्यले बाह्रखरीसँग भने, “मैले दुईपक्षबीच सहमति गरेर अगाडि बढ्न आग्रह गरेँ । हिजो नै सहमति हुन नसकेपछि बुधबारसम्मको समय दिएको छु ।”
