जग्गा नामसारी भन्दै सेवाग्राहीसँग घुस रकम लिने दुईजना खरिदारलाई अख्तियारको टोलीले कपिलवस्तुबाट नियन्त्रणमा लिएको छ ।
पक्राउ पर्नेमा भूमि सुधार तथा मालपोत कार्यालयमा कार्यरत खरिदार सूर्यप्रसाद मिश्र र खरिदार दुर्गाप्रसाद चौधरी रहेका छन् ।
अख्तियार दुरुपयोग अनुसन्धान आयोग बुटवलबाट खटिएको टोलीले उनिहरुलार्ई बुधबार दिउँसो कार्यालय परिसारबाट ६ हजार नगदसहित रंगेहात नियन्त्रणमा लिएको हो ।
अख्तियार बुटवलका प्रवक्ता शुरेस भुसालले दुवै जनालाई बुटवल कार्यालयमा ल्याएर बयान लिन शुरु गरिएको जनाकारी दिए । उनीहरुले सेवाग्राहीसँग मोही जग्गा नामसारी गरिदिने भन्दै रकम माग गरेका थिए ।
