बागलुङको ढोरपाटन नगरपालिकामा बिहीबार राति पिकअप जिप दुर्घटना हुँदा १० जना घाइते भएका छन्।

बागलुङको गाडीखोलादेखि घैयाखानी जाँदै गरेको ग३च ३८९ नम्बरको पिकअप जिप ढोरपाटन नगरपालिका-६ मा बिहीबार राती साढे ८ बजे दुर्घटनामा परेको थियो।

दुर्घटनामा घाइते भएका १० जना मध्ये ६३ वर्षीय काजी कामी र ३८ वर्षीया चलदेवी कामीको अवस्था गम्भीर रहेका कारण थप उपचारका लागि रिफर गर्ने तयारी भइरहेको प्रादेशिक अस्पताल बुर्तिबाङका प्रमुख डा. नविन्द्र ढकालले जानकारी दिए।

अन्य आठ जनाको अवस्था सामान्य रहेको रहेको प्रादेशिक अस्पताल बुर्तिबाङमा उपचार भैरहेको डा. ढकालको भनाई छ।