राष्ट्रपति रामचन्द्र पौडेल भूकम्प प्रभावित क्षेत्र जाजरकोट पुगेका छन्।
भूकम्पबाट प्रभावितहरूको जनधनको क्षतिबारे जानकारी लिन राष्ट्रपति पौडेल मंगलबार जाजरकोट पुगेका हुन्।
यसै क्रममा उनले जाजरकोट अस्पताल पुगेर घाइतेहरूको अवस्थाबारे जानकारी लिएका छन्।
युराेप भ्रमण स्थगित गरेर भूकम्पबाट प्रभावित क्षेत्रमा पुगेका उनले राहत र उद्धारको अवस्थाबारे पनि जानकारी लिएका छन्। उनी भूकम्प प्रभावित रुकुम पश्चिममा पनि जाने कार्यक्रम छ।
भूकम्पपछि मुलुकमा आाइपरेको प्राकृतिक विपत्तिको अवस्थामा मुलुक बाहिर जानु उपयुक्त नभएकाले राष्ट्रपति पौडेलले यही कात्तिक २२ गतेदेखि तय भएको आफ्नो युरोप भ्रमण स्थगित गरेका थिए।
.jpeg)
