नेपालका लागि अस्ट्रेलीयन राजदूत करनालीको जुम्ला पुगेकी छन्।

अन्तर्राष्ट्रिय महिला दिवस मनाउन कर्णाली प्रदेशको यात्रा गरेको उनले बताइन। आफ्नो सामाजिक सञ्जालमा उनले लेखेकी छन, ‘ लैङ्गिक समानता क्यालेन्डरको यो कोशेढुङ्गा दिवसको अवसरमा म सबैलाई अन्तर्राष्ट्रिय महिला दिवसको शुभकामना।’

लैंगिक समानताका लागि नवप्रवर्तन र प्रविधि, परिवर्तनकारी प्रविधि र डिजिटल शिक्षाका च्याम्पियन महिला र केटीहरूलाई मान्यता दिन्छ। ‘जब हामी डिजिटल आविष्कारको बारेमा कुरा गर्दैछौँ, हामीसँग प्रायः ठुला सहरहरू दिमागमा हुन्छन्। तर, प्राविधिक विकास हाम्रो देशको दुर्गम र क्षेत्रीय भागहरूमा, चाहे त्यो अस्ट्रेलिया होस् वा नेपाल, जत्तिकै महत्त्वपूर्ण छ। हाम्रा दुवै देशमा क्षेत्रीय महिलाहरूले आफ्नो समुदायको फाइदाको लागि नवप्रवर्तनको नेतृत्व गरिरहेका छन्,’ उनले लेखेकी छन्।

जुम्लामा उनले एग्रोफोरेस्ट्री बिजनेस इन्टरप्राइजेजमा महिलाको विकास परियोजना सुरु गर्न पाउँदा उत्साहित भएको बताइन। अस्ट्रेलिया सरकारले जुम्ला र नुवाकोटमा ३८० महिलाको नेतृत्वमा रहेका उद्यमहरूको आर्थिक सशक्तिकरणलाई प्रवर्द्धन गर्न व्यवसाय र व्यावसायिक महिला नेपाल र अस्ट्रेलियन गैरसरकारी संस्था एसिसी एड प्रोजेक्ट्ससँग साझेदारी गर्ने घोषणा गरेको छिन।

‘हामी दिगो र लचिलो व्यापार मोडेलहरू विकास गर्न महिलाहरूसँग काम गर्दैछौं। हामी तिनीहरूलाई डिजिटल प्रविधिको प्रयोगलगायत आत्मनिर्भर उद्यमी बन्न सहयोग गरिरहेका छौं,’ उनले भनिन्, ‘टेक्नोलोजीमा समान पहुँचको कारण ठुलो संसार सानो हुन्छ र त्यसपछि अवसर महिला र केटीहरू जहाँ भए पनि पुग्छ।’

जुम्ला पुगेर उनले पतराशीमा कृषि व्यवसायी महिलाहरूको ठुलो समूहसँग समय बिताएकी छन्। अस्ट्रेलिया सरकार समर्थित प्रशिक्षण, प्राविधिक सहयोग र नयाँ पूर्वाधारले यी उद्यमीहरूलाई मूल्य अभिवृद्धि र आम्दानीमा उल्लेखनीय वृद्धि भएको देखेको बताइन्।