प्रदर्शनीमार्गस्थित रत्नराज्य लक्ष्मी क्याम्पसमा विद्यार्थीबीच झडप हुँदा तिनजना घाइते भएका छन्। 

घाइते हुनेमा अनेरास्ववियु आर.आर का अध्यक्ष मदन भण्डारी, उपाध्यक्ष लोकेश्व खड्का, तथा हर्क बोहरा रहेका छन्। 

नेकपा एमालेको भातृ संगठन अनेरास्ववियुको दुई समूहबीच संगठनको अध्यक्ष कसलाई बनाउने भन्ने विषयमा छलफलको क्रममा उनीहरुबीच विवाद भएको थियो। र विवादकाै क्रममा खुकुरी प्रहार भएकाे हाे।   

खुकुरी प्रहार गरेको आरोपमा  ४ जनालाई पक्राउ गरिएको जिल्ला प्रहरी परिसर काठमाडौंले जनाएकाे छ। पक्राउ पर्नेमा कृष्ण गिरि, झलक तामाङ, द्रुतराज लामा र सविन निरौला रहेका छन्। 

झडपमा परी घाइते भएकाहरूकाे काठमाडौं मोडल अस्पतालमा उपचार भइरहेको छ।