दोलखामा प्रतिनिधिसभा सदस्यमा नेकपा (एमाले)ले अग्रता लिएको छ।
हालसम्म ३६ हजार ३३६ मतगणना हुँदा एमालेका बालकृष्ण शिवाकोटीले १६ हजार २१४ मत प्राप्त गरेका छन्।
उनका निकटतम् प्रतिद्वन्द्वी नेकपा (माओवादी केन्द्र)का उम्मेदवार गङ्गा कार्कीले १४ हजार ७११ मत प्राप्त गरेको मुख्य निर्वाचन अधिकृत डिल्लीरत्न श्रेष्ठले जानकारी दिएका छन्।
दोलखामा कुल ८५ हजार तीन सय ८८ मत खसेको थियो।
जिल्लामा जम्मा ९४ मतदानस्थल र एक सय ९५ मतदान केन्द्र रहेका थिए। कुल एक लाख ६१ हजार चार सय ५० मतदाता रहेका थिए भने १४ राजनीतिक दलका र सात स्वतन्त्र गरी २१ उम्मेदवार चुनावी मैदानमा सहभागी भएका थिए।
