नेपाल प्रहरीका २६ जना प्रहरी बरिष्ठ प्रहरी उपरीक्षक (एसएसपी)काे सरुवा भएको छ। मन्त्रीस्तरीय निर्णयअनुसार बिहीबार राति २६ जना एसएसपीको एकैपटक सरुवा भएको हो।
महानगरीय अपराध महाशाखा, महानगरीय ट्राफिक प्रहरी महाशाखा, मानव बेखबिखन अनुसन्धान व्यूरोलगायतका एसएसपीले नेतृत्व गर्ने कार्यालयका प्रमुख फेरिएका हुन्।
नयाँ सरुवा अनुसार महानगरीय अपराध महाशाखा प्रमुखमा बसन्तबहादुर कुँवरलाई पठाइएको छ। त्यसैगरी महानगरीय ट्राफिक प्रहरी महाशाखाको जिम्मेवारी उमेशराज जोशीलाई दिइएको छ।
त्यसैगरी नेपाल प्रहरीको प्रवक्ताको जिम्मेवार बिष्णुकुमार केसीलाई दिइएको छ।
यस्तै मानव बेखविखन अनुसन्धान व्यूरोमा टेकप्रसाद राइलाई ल्याइको छ। मानव बेखविखन अनुसन्धान व्यूरो प्रमुखको जिम्मेवारीमा रहेकी दुर्गा सिंहको काठमाडौं उपत्यका प्रहरी कार्यालय रानीपोखरी मानव स्रोत व्यवस्थापन महाशाखामा सरुवा भएको छ।
त्यसैगरी भीमप्रसाद ढकाललाई अन्तराष्ट्रिय विमानस्थल सुरक्षा कार्यालय काठमाडौंमा सरुवा गरिएको छ।
अन्तर्राष्ट्रिय विमानस्थल सुरक्षा कार्यालय काठमाडौंमा कार्यरत राजेशनाथ बास्तोलाको भने राजमार्ग सुरक्षा तथा ट्राफिक व्यवस्थापन महाशाखामा सरुवा भएको छ।
त्यस्तै, पूजा सिंहको गौतमबुद्ध अन्तराष्ट्रिय बिमानस्थल सुरक्षा कार्यालय भैरहवामा सरुवा भएको छ। त्यस्तै अशोक सिंहको प्रहरी प्रधान कार्यालय कार्य विभाग कार्य निर्देशनालयमा सरुवा भएको छ।
