प्रधानमन्त्री तथा नेकपा एमालेका अध्यक्ष केपी शर्मा ओलीले नेता माधवकुमार नेपालमाथि व्यंग्यात्मक टिप्पणी गरेका छन्।
मदन भण्डारीको ७०औं जन्मजयन्तीको अवसरमा प्रधानमन्त्री निवास बालुवाटारमा आयोजित कार्यक्रमलाई सम्बोधन गर्दै ओलीले माधव नेपाल प्रचण्डको पुच्छर भएको बताएका हुन्।
केही दिनअघि माधव नेपालले एक कार्यक्रममा बोल्दै आफूलाई केपी शर्मा ओलीले प्रधानमन्त्रीको लागि अफर गरिसकेको बताएका थिए।
तर यस विषयमाथि कार्यक्रममा प्रधानमन्त्रीले भने, 'धाक के लगाएर हिँडेका छन् भने केपी ओलीले मलाई प्रधानमन्त्रीको प्रस्ताव राखिसक्याे। मलाई बहुला कुकुरले टोकेको छ र ? अरु कोही नपाएर यस्ता मान्छेलाई प्रधानमन्त्री प्रस्ताव केपी ओलीले राख्ला?'
प्रधानमन्त्री ओलीले माधव नेपाललाई 'लाज शरम पचेको मान्छे' भनेर टिप्पणी गरेका छन्।
उनले सम्बोधन गर्दै भने, ‘माधव नेपाल भन्ने एक जना कांग्रेसको पछाडि कुद्ने मान्छे छन्, नेपालको राजनीतिमा सबैले चिन्छन् प्राय। कम्युनिष्टको सरकार ढाल्ने, प्रमुख प्रतिपक्षको नेतृत्वमा सरकार बनाउने, कम्युनिष्ट आन्दोलन सिध्याउने, अर्कोतिर लागिसक्ने अनि नेकपा एमालेको वरिष्ठ नेता हुँ भनेर भन्ने। यस्तो लाज सरम पचेको मान्छेको चर्चा सकारात्मक हिसाबले मात्र होइन नकारात्मक हिसाबले पनि चर्चा त हुन्छ।’
.jpg)
