नेकपा एमालेको सुदूरपश्चिम प्रदेश कमिटीले प्रदेश सरकारबाट फिर्ता नहुने  तीन  मन्त्रीलाई २४ घण्टे स्पष्टीकरण सोधेको छ।

(आज) बिहीबार प्रदेश कमिटीका अध्यक्ष कर्णबहादुर थापा र सचिव राजेन्द्र सिंह रावलले एक पत्र जारी गर्दै सरकारबाट फिर्ता हुने पार्टीकाे निर्देशन अवज्ञा गरेकाे भन्दै एमाले नेताहरु प्रकाशबहादुर शाह, कृष्णराज सुवेदी र माया भट्टलाई २४ घण्टे स्पष्टीकरण सोधेका हुन्।

यसअघि एमाले स्थायी कमिटी बैठकले सुदूरपश्चिममा सरकारमा सहभागी आन्तरिक मामिला तथा कानूनमन्त्री प्रकाशबहादुर शाह, उद्योग पर्यटन वन तथा वातारण मन्त्री माया भट्ट र सामाजिक विकास मन्त्री कृष्णराज सुवेदीलाई मन्त्रीबाट फिर्ता आउन निर्देशन दिएको थियो।

पत्रमा पार्टीकाे एकता विखण्डित पार्ने, पार्टि फुटाउने, पार्टीभित्रकाे सहकार्य र सद्भावलाई क्षत-विक्षत पार्ने गरी अवैधानिक गुटका भेलाहरुमा सहभागी भएकाे भन्दै २४ घण्टाभित्र लिखित जवाफ दिन भनिएकाे छ।