नेकपा एमालेको स्थायी कमिटीको आकस्मिक बैठक बालुवाटारमा सुरु भएकाे छ। अहिले साढे ९ बजेदेखि प्रधानमन्त्री निवास स्थायी कमिटीको बैठक सुरू भएकाे एक सदस्यले जानकारी दिए।
बैठकमा समसामयिक परिस्थितिबारे छलफल भइरहेकाे बताइएको छ। प्रतिनिधिसभामा विश्वासको मत प्राप्त हुन नसकेको परिस्थितिपछिको समीक्षा र आजै माधव नेपाल र ओलीको बीचमा भेटवार्ता गराएर सहमति गराउने प्रयास भैरहेको बालुवाटार स्राेतले जनाएकाे छ।
राष्ट्रपति विद्यादेवी भण्डारीले गठबन्धनको सरकार बनाउन दिएको समयसीमा आज राति ९ बजे सकिँदै छ। संसद्को विश्वास गुमाएपछि ओलीले पहिलोपटक स्थायी कमिटी बैठक बोलाएका हुन्।
