नेकपा एमालेका वरिष्ठ नेता झलनाथ खनालले एमालेमा गुटबन्दी सुरू गर्ने केपी ओली भएको बताएका छन्।

ललितपुरको सानेपास्थित हेरिटेज गार्डेनमा बुधबार जारी राष्ट्रिय कार्यकर्ता भेलालाई सम्बोधन गर्दै नेता खनालले एमालेमा गुटबन्दी सुरु गर्ने नेता अरु कोही नभएर ओली नै भएको बताएका हुन्। 

उनले भने, 'यो पार्टीमा गुट सुरु गर्ने केपी ओली हुन्। मदन भण्डारी फाउन्डेसनमार्फत उहाँले नै हो गुट सुरू गर्नु भएको हो।'

ओलीले बालुवाटारमा गुट बैठक गरेर एकलौटी निर्णय गरेको उनले बताए। ओलीकै कारण पार्टीमा समस्या आएको उनले आरोप लगाए।

नेता खनालले ओलीले मनपरीतन्त्र, निरंकुशता र अहंकारले ग्रस्त भएर पार्टीलाई बेवास्ता गरेर स्वेछाचारी र एकलौटी ढंगले अघि बढेको आरोप लगाए।