नेकपाका अध्यक्ष पुष्पकमल दाहाल 'प्रचण्ड'ले विघटित प्रतिनिधीसभा पुनःस्थापना गरेर सर्वोच्च अदालतले संविधानवाद जोगाएको बताएका छन्।
सर्वोच्चले संविधानको भावना र मर्मलाई सम्मान गरेर निर्णय गरेकोमा उनले खुशी व्यक्त गरे। उनले भनेका छन्, 'हामीले गरेको मिहेनत खेर गएन। यो नेपालीको जित हो। लोकतन्त्रको जित हो। संविधानवादको जित हो।'
प्रधानमन्त्री ओलीले चालेको कदम असंवैधानिक र अलोकतान्त्रिक नै रहेको ठहर गर्दै दाहालले पुनःस्थापना गराउनको लागी सहयोग गर्ने सबै राजनितीक दल, नागरिक आन्दोलन, जनता र मिडियाहरुलाई धन्यवादसमेत दिएका छन्।
अबको राजनिती सहमती र सामझदारी ढगंले कानुनी प्रतिबद्धता सहित अगाडी जाने उनको जिकिर छ।
