नेपालमा थप १०४ जना कोभिड–१९ का सङ्क्रमित भेटिएका छन्।
स्वास्थ्य तथा जनसङ्ख्या मन्त्रालयका अनुसार गत २४ घण्टामा देशभर ३ हजार ५०१ जनाको पिसिआर परीक्षण भएकामा ४८ महिला र ५६ पुरुष गरी १०४ जनामा कोरोना पुष्टि भएको हो।
हालसम्म देशभर कोरोना सङ्क्रमितको कूल सङ्ख्या दुई लाख ७२ हजार ७१८ पुगेको छ। मन्त्रालयका अनुसार हालसम्म २१ लाख १७ हजार ५० जनाको पिसिआर परीक्षण गरिएको छ।
गत २४ घण्टामा थप १३१ जना सङ्क्रमणमुक्त भएसँगै हालसम्म दुई लाख ६९ हजार ६० जना कोरोना सङ्क्रमणमुक्त भएर घर फर्किएका छन्। गत २४ घण्टामा कोही पनि सङ्क्रमितको मृत्यु भएको छैन। नेपालमा कोरोनाबाट हालसम्म दुई हजार ५४ जनाको मृत्यु भएको छ।
